CHIBALU 7
Indi Yesu Wadiñanyi?
Yehova wamutemesheli Yesu hamaseki. 1 Yowanu 4:9
Neyi tunakukeña kumuzañalesha Yehova, twatela kutiyilila muntu mukwawu walema. Kunyaka, henohu Adama kanda amuleñi, Yehova waleñeli muntu wakuspiritu wañovu mwiwulu.
Chimwahitili mpinji, Yehova watemesheli muntu yeniwu nakuvwalikila muBetelemi kudi mumbanda mujiki wejina daMariya. Iwu mwana amutumbili ijina nawu Yesu.—Yowanu 6:38.
Chadiñayi hamaseki, Yesu wamwekesheli yililu yaNzambi. Wadiña naluwi, wakeñeli antu nawa wadiña wakasunuka. Walejeleña antu chalala chakadi woma nindi amwiluki Yehova.
Yesu wakoñeli yuma yayiwahi ilaña antu amuheleli. 1 Petulu 2:21-24
Anlomboli jansakililu amuheleli Yesu muloña wafuñunwineña ntañishilu yawu yakutwamba niyuma yatama yakoñeleñawu.
Yesu wokileña akata nawa wasañwili antu amakwawu afwili.
Anlomboli jansakililu ayishinjilili Aroma nawu amuhumpuli Yesu nikumujaha.
