Ichi chibalu chinakushimuna nsañu yidi muNsona jawakaKristu jachiGiriki. Yesu wavwalikilili muchisaka chawantu adizoza ashakamineña mutawuni yanyanya. Wazatileña natata yindi mukakusoña. Yesu diyi wenjili nakwamwina antu. Yehova wamutondeli kwikala Mwanta waWanta wamumawulu. Neyi mudi anvwali, mukwashenu mwanenu eluki Yehova chatondeliyi chiwahi chisaka niiluña mwakulililiyi Yesu. Mukwashenu eluki Yehova chamukiñiliyi kulonda abuli kumujaha kudi Herodi nawa eluki nindi kwosi chuma chinateli kukañesha nkeñelu yaYehova. Cheñi eluki Yehova chamwinkeliyi Yowanu mudimu wakumuloñeshela Yesu njila. Konkomwenenu chamwekesheliyi Yesu nindi wakeñeli maana aYehova kufuma tuhu kuwansi.