Ntachikilu yaChibalu 6
AIsarela chashikiliwu Mwituña daChikaninu, tabanaka yekalili iluña dakudifukwilahu kudifukula kwalala. Atupristu adizishileña antu Nshimbi nawa ansompeshi alombweleña muza. Ichi chibalu chinakumwesha yuma yafuukulañayi muntu niyelañayi chiyinateli kukwasha akwawu hela nehi. KaIsarela wejima wadiña namudimu wakumukalakela Yehova niakwawu antu. Chinamwekeshi yuma yelili Debora, Nawomi, Yoshuwa, Hana, mwana kaYafweta wamumbanda niSamweli chakwashiliwu antu adiña mumaluña mwashakamineñawu. Chinakonkomweni nawu niantu abulili kwikala aIsarela, adi neyi Rahaba, Luti, Yayeli niaGibeyoni, afuukwilihu kwikala kukabadi kawaIsarela muloña elukili nawu Nzambi wadiña nawena.
MUCHINU CHIBALU
KUDIZA 29
Yehova Wamutondeli Yoshuwa
Nzambi wamwinkeli Yoshuwa nshimbi jinateli kutukwasha ninetu makonu.
KUDIZA 30
Rahaba Waswekeli Akakwendesha Ituña
Mbañu jaYeriku jahumokeli. Ilaña itala daRahaba dahumukili wanyi hela chakwila adituñilili hampwembu.
KUDIZA 31
Yoshuwa nawaGibeyoni
Yoshuwa wamulombeli Nzambi nindi: “Eyi itena, imanaku kuka-a!” Komana Nzambi wamwakwili?
KUDIZA 32
Nlomboli Wamuha niAmbanda Ayedi Ahamuka
Yuma yayikoleleli, ilaña ayikwashili kuhitila mudi nsompeshi Baraki, kaprofwetu wamumbanda Debora niYayeli wazatishili mpopu yakwitenti dindi!
KUDIZA 33
Luti naNawomi
Ambanda ayedi afwishili anfumu jawu afuntili kuIsarela. Hakachi kanawa ambanda, Luti wayiili nakuzatila mumaha mwamumweneniwu kudi Bowazi.
KUDIZA 34
Gidiyoni Wayishindili aMidiyani
Hanyima yakwila aMidiyani anayikabishi nankashi aIsarela, antu amulembeleli Yehova nawu ayikwashi. Hanu dinu amashidika aGidiyoni antesha ashindili ñahi amashidika 135,000 ayilumbu jawu?
KUDIZA 35
Hana Nalombi Mwana Weyala
Elikana wasendeli Hana, Penina nichisaka chawu ayili nakudifukula hatabanaka muShilo. Kwenoku, Hana walombeli nindi amwinki mwana weyala. Chimwahitili chaaka wavweli Samweli!
KUDIZA 36
Chikaninu Chakaniniyi Yefwata
Chikaninwinyi chakaniniyi Yefwata nawa muloñadi? Mwana kaYefwata wamumbanda welili ñahi nachikaninu chakaniniyi tata yindi?
KUDIZA 37
Yehova Nahoshi naSamweli
Anyana kaKapristu Muneni Eli akalakeleña mudimu wawupristu hatabanaka, ilaña hiyovwahilileña nshimbi jaNzambiku. Kansi Samweli wadiña wambukaku, nawa Yehova wahosheli nindi.
KUDIZA 38
Yehova Wamwinkeli Samusoni Ñovu
Nzambi wamwinkeli Samusoni ñovu yakuzuña nawaFilisitinu, ilaña Samusoni chafuukwiliyi mwaluwa, aFilisitinu amukwatili.
