Ntachikilu yaChibalu 7
Ichi chibalu chinashimuni nsañu yachihandilu chaMwanta Sawulu niMwanta Davidi, yasendeli yaaka 80. Hakusambila, Sawulu wadiña wadizoza nawa wamutiyileña Nzambi woma, ilaña haleheli wanyi wahimpili nawa watachikili kukaana kulondela wulomboli waYehova. Yehova wamukaanini nawa chihahitili mpinji, wamulejeli Samweli nindi amuwayishi Davidi ekali mwanta waIsarela kulonda amusinsi Sawulu. Sawulu iyala wadiña nechima wesekeli mapampa amavulu nindi amujahi Davidi, ilaña Davidi hamwililihu chatamaku. Mwana kaSawulu Yonatani welukili nindi Yehova namutondi Davidi, dichi wadiña washinshika kudi yena. Davidi wakoñeli yiluwa yamaneni nankashi, ilaña hakaanini kumufumba kudi Yehovaku. Neyi mudi anvwali, mukwashenu mwanenu eluki chalemena kwovwahila ntanjikilu yaNzambi mpinji yejima.
MUCHINU CHIBALU
KUDIZA 39
Mwanta Watachi waIsarela
Nzambi wayinkeli aIsarela ansompeshi ayilombweleña, ilaña akeñeleña mwanta. Samweli wamuwayishili Sawulu nakwikala mwanta watachi, ilaña mukuhita kwampinji Yehova wamukaanini Sawulu. Muloñadi?
KUDIZA 40
Davidi naGoliyati
Yehova namutondi Davidi kwikala mwanta wamuchiyedi waIsarela, nawa Davidi namwekeshi kwikala mwanta washikilamu kuhitila muyuma yinakwilayi.
