Yehova wamwinkeli Solomoni maana asweja nawa wamwinkeli nimudimu wakutuña tembeli, ilaña wafumineña kudi Yehova chovu-chovu. Neyi mudi anvwali, mulumbulwilenu mwanenu eluki akakudifukula akutwamba chamufumishiliwu Solomoni kudi Nzambi. Wanta wadaambwili nawa anyanta atama aletesheli muza waIsarela kwikala akakusekesha nikudifukula kudi ankishi. Haniyi mpinji, atuprofwetu amavulu ashinshika aYehova ayikabishileña nikuyijaha. Mwadi Yezebeli waletesheli wanta wakukabeta kakuchimunswa kudiñija chikupu muyilwilu yakusekesha. Haniyi mpinji aIsarela afumini chikupu kudi Yehova nakutachika kudifukula kudi anzambi akutwamba. Hakachi kawaIsarela hachidiña ambuña aYehova amavulu ashinshika. Hadiña niMwanta Yehoshafati nikaprofwetu Elija.