KUDIZA 6
Komana Afu Amba Kasañuka?
1. Nsañwinyi yayiwahi yahosha hadi afu?
Hampinji yashikiliyi Yesu muBetani yidi kwakwihi naYerusalema, mwadiñi mwahita dehi mafuku awana kufuma hafwiliyi ibwambu dindi Lazaru. Yesu wayili kwijamu naMata niMariya, ahela jaLazaru wafwili. Hohenohu, antu apompa nikupompa. Munateli kufwikija muzañalu watiyiluwu aMata niMariya chelili Yesu yamusañuli Lazaru?—Tañenu Yowanu 11:21-24, 38-44.
Mata adiña amuleja dehi nsañu yayiwahi kutalisha hadi afu. Welukili nindi Yehova wakasañula afu nawa akekala cheñi nawumi hamaseki.—Tañenu Yoba 14:14, 15.
2. Indi afu ekala ñahi?
Nzambi wamulejeli Adama nindi: “Muloña eyi wulunkuñu, nochu wakafunta cheñi mwomulunkuñu.”—KUTACHIKA 3:19
Antu afuma kulunkuñu. (Kutachika 2:7; 3:19) Hitudi aspiritu ashakamaña mumujimba wamusunyiku. Tudi yileñaleña yakumujimba nawa kwosi chidi chapulukaña neyi muntu nafwi. Neyi tunafwi, woñu niwena wafwaña niyitoñojoka yalekaña kuzatika. Dihafumini Lazaru yabuli kuhosha hayuma yamumwekeneni hampinji yafwiliyi muloña afu hiyelukaña chuma nichimuku.—Tañenu Masamu 146:4; Mukwakutaŋisha 9:5, 6, 10.
Komana Nzambi wochaña antu mukesi neyi anafwi? Chineli Bayibolu yahosha nawu kwosi chuma chelukawu afu, ntañishilu yakutwamba yakesi kahelu yaleteshaña antu Yeremiya 7:31.
kumutwika Nzambi nyiloña yamukunkulwayi. Ntañishilu yakwocha antu mukesi yamuneñeshaña nankashi.—TañenuTalenu vidiyo Indi Afu Ekala Ñahi?
3. Komana afu anateli kuhosha nanetu?
Afu hiyatweshaña kuhosha hela kutiyaku. (Masamu 115:17) Ilaña añelu amakwawu atama, anateli kuhosha nawantu nakudifwikija neyi hiyafu. (2 Petulu 2:4) Yehova watukaanisha kuhosha nawafu.—Tañenu Kuhituluka 18:10, 11.
4. Anyi akasañulawu?
Yihita yawantu amavulu afwa dehi adi mumajamu akayisañula nakushakama hamaseki. Niantu amakwawu abulili kumwiluka Nzambi akoñeleña yuma yatama akayisañula.—Tañenu Luka 23:43; Yililu 24:15.
Antu akasañulawu akamwiluka Nzambi chikupu nawa akamukuhwelela Yesu kuhitila mukumwovwahila. (Chimwekeshu 20:11-13) Antu akasañulawu akelaña yuma yayiwahi nawa akaluña nawumi haya nyaaka hamaseki.—Tañenu Yowanu 5:28, 29.
5. Kusañuka kwatulejaña nawu Yehova himuntu wamuchidinyi?
Nzambi natukwashi kwiluka netu afu akasañuka cheñi kuhitila mukutemesha Mwanindi kwinza nakutufwila. Dichi, kusañuka kwatulejaña nawu Yehova watukeña nawa wukweti luwi nankashi. Neyi afu anayisañuli dehi, hinyi imwakeñeshaña kumona?—Tañenu Yowanu 3:16; Aroma 6:23.