KUDIZA 5
Chumanyi Chafuukulayi Nzambi Kwiseki?
1. Muloñadi Nzambi chaleñeleliyi iseki?
Yehova waheni iseki kudi amayala niambanda. Himukala wetu. Dichi, eyala namumbanda atachi, Adama niEvu, hiyayileñeli nawu ashakameña mwiwuluku, muloña Nzambi wadiña waleña dehi añelu akushakama mwiwulu. (Yoba 38:4, 7) Ilaña, Nzambi wanoneli iyala watachi nakumusha muparadisa yatenañawu nawu itempa daEdeni. (Kutachika 2:15-17) Yehova wamwinkeli Adama nianyanindi akavwalika kumbidi kukooleka kwakuluña nawumi haya nyaaka hamaseki.—Tañenu Masamu 37:29; 115:16.
Hakutachika, itempa daEdeni didadiña hohu paradisa. Eyala namumbanda atachi ateleli kwinzesha iseki nanyanawu. Nawa ateleli kwovwahisha iseki dejima nikudilisha paradisa mukuhita kwamafuku. (Kutachika 1:28) Iseki hiyamba kadikisañanaku. Antu akatwalekahu kushakama hamaseki.—Tañenu Masamu 104:5.
Talenu vidiyo Muloñadi Nzambi Chaleñeleliyi Iseki?
2. Muloñadi iseki chidabulila kwikala paradisa hayinu mpinji?
Adama naEvu adikañili naNzambi, Yehova wayitemwini mwitempa. Dihafumini paradisa kujimbala nawa kwosi muntu watweshahu dehi kufuntisha paradisa cheñiku. Bayibolu yahoshaña nawu: “Iseki adinka dehi mumakasa awatama.”—Yoba 9:24.—Tañenu Kutachika 3:23, 24.
Komana Yehova wavulamena dehi nkeñelu yindi yafuukwililiyi antu hatachi? Inehi! Diyi mukwañovu yejima. Hanateli kukañanyaku. (Isaya 45:18) Wakelisha cheñi muchidi wawantu kwikala nachihandilu neyi mwomwafuukwiliyi hakusambila.—Tañenu Masamu 37:11, 34.
3. Indi Paradisa akayifuntisha ñahi?
Paradisa akayifuntisha hamaseki hampinji yakayuulañayi Yesu neyi Mwanta watondawu kudi Nzambi. Hanjita yatenañawu Chimwekeshu 20:1-3; 21:3, 4.
nawu Amagedoni, Yesu wakalombola añelu jaNzambi nakujilumuna antu ejima adikañaña naNzambi. Kuhiñahu, Yesu wakamukasa Satana hadi yaaka 1,000. Antu jaNzambi akapuluka iyi njita muloña Yesu wakayilombola nikuyikiña. Akaluña nawumi haya nyaaka muParadisa hamaseki.—Tañenu4. Indi makabi akamana mpinjinyi?
Mpinjinyi yakamanishayi Nzambi kutama hamaseki? Yesu waheni “chinjikijilu”chakwiluka nachu nawu kukuma kunashiki dehi. Yuma yinakumwekana mukaayi makonu yinakusha wumi wawantu hakatoña nawa yinakumwekesha nawu tunakushakama ‘kukuma kwanyaaka yamakonu.’—Tañenu Matewu 24:3, 7-14, 21, 22.
Hampinji yakayuulilañayi Yesu adinu iseki mwiwulu hadi yaaka 1,000, wakafumishahu makabi ejima. (Isaya 9:6, 7; 11:9) Hela chakwila wakekala Mwanta, Yesu wakekala Kapristu Muneni wakajima nshidi jawantu amukeña Nzambi. Kuhitila mudi Yesu, Nzambi wakafumishahu yikatu, wushinakaji nikufwa.—Tañenu Isaya 25:8; 33:24.
5. Anyi akashakama muParadisa yinakwinza?
AHetala daWanta munateli kuwana antu amukeña Nzambi nawa anakukeña kwiluka chakumuzañalesha
Antu amwovwahilaña Nzambi akashakamaña muParadisa. (1 Yowanu 2:17) Yesu watemesheli atumbanji twindi nakukeña antu adizoza nikuyileja chakwikala antu etejewa kudi Nzambi. Makonu, Yehova nakudizisha yihita yawantu kulonda akaheti wumi muParadisa yikekala hamaseki. (Zefwaniya 2:3) Hamatala aWanta awaYinsahu jaYehova, antu ayidizishaña kwikala amayala niatata jawantu amawahi nikwikala ambanda niamama jawantu amawahi. Anyana nianvwali adifukwilaña hamu nawa adizaña chatela kuhetelawu munsañu yayiwahi.—Tañenu Mika 4:1-4.