KUDIZA 11
Nshimbi JamuBayibolu Jatukwashaña Ñahi?
1. Muloñadi chitwakeñelaña wunlomboli?
Nshimbi jamuBayibolu jinateli kutukwasha ñahi kubula kwila yuma yinateli kutuletela wubanji?—MASAMU 36:9.
Nleñi yetu wudi namaana kubadika etu. Hakwikala Tata yetu wukweti kukeña, watwakamenaña. Nawa hakeñeleña nindi tudiyuuleña etu aweni chakadi yenaku. (Yeremiya 10:23) Neyi chakeñañayi mwana wanyanya kumuleja kudi anvwali, wonsu wetu twakeñaña Nzambi yatulejeña. (Isaya 48:17, 18) Nshimbi jamuBayibolu jatulombolaña muloña hichawaana chatwinkayi Nzambi.—Tañenu 2 Timotewu 3:16.
Nshimbi jaYehova jatulejaña chitwatela kushakama chayinu mpinji nawa yatulejaña chitwatela kutambwila wuloku wahaya nyaaka kumbidi. Chineli Nzambi diyi watuleñeli, twatela kwikala namuchima wakwovwahila munakutulejayi.—Tañenu Masamu 19:7, 11; Chimwekeshu 4:11.
2. Indi nshimbi jamuBayibolu hiyumanyi?
Nshimbi jamuBayibolu hinsañu yalala yalema. Munjila yikwawu, nshimbi jikwawu anateli kujizatisha kuyuma yikwawu. (Kuhituluka 22:8) Twatela kuzatisha yitoñojoka kulonda twiluki chazatikaña nshimbi kuyuma yikwawu. (Yishimu 2:10-12) Chakutalilahu, Bayibolu yatulejaña nawu wumi hichawaana kufuma kudi Nzambi. Ilu lushimbi lwatukiñaña hamudimu, hetala nihakwenda. Yatukwashaña kubula kwila yuma yinateli kutuletela wubanji.—Tañenu Yililu 17:28.
3. Nshimbinyi jiyedi jalema nankashi?
Yesu wahosheli hanshimbi jiyedi jalema nankashi. Lushimbi lwatachi lwahoshaña Yishimu 3:6) Antu alondelaña ilu lushimbi akwataña wubwambu naNzambi, akekalaña namuzañalu chikupu nawa akaheta wumi wahaya nyaaka.—Tañenu Matewu 22:36-38.
hamuloña waweni wayileñeleluwu antu kulonda amwiluki Nzambi, kumukeña nikumukalakela nakashinshi. Twatela kuzatisha ilu lushimbi lwatachi muyuma yejima yitwafuukulaña. (Lushimbi lwamuchiyedi lunateli kutukwasha kushakama kumatu kwamwena nawakwetu. (1 Akorinda 13:4-7) Hakwila nawu tuzatishi ilu lushimbi lwamuchiyedi, chiña tumwimbujola Nzambi chahembañayi antu.—Tañenu Matewu 7:12; 22:39, 40.
4. Indi nshimbi jamuBayibolu jatukwashaña ñahi?
Nshimbi jamuBayibolu jalejaña yisaka chatela kunuñañanawu nampanda yakukeña. (Akolose 3:12-14) Izu daNzambi dakiñaña yisaka kuhitila mukuyileja lushimbi lukwawu lwakwila nawu maluwi atela kutwalekahu.—Tañenu Kutachika 2:24.
Neyi tulondela nshimbi jamuBayibolu, tunateli kukiñewa kumujimba nimuyitoñojoka. Chakutalilahu, antu eñijaña antu nyidimu akeñaña ankoñi ovwahilaña nshimbi jamuBayibolu jahosha hakashinshi nikudikita. (Yishimu 10:4, 26; Aheberu 13:18) Izu daNzambi datulejaña cheñi kuzañalala nayuma yitukweti nikulemesha wubwambu wetu naNzambi kubadika yuma yakumujimba.—Tañenu Matewu 6:24, 25, 33; 1 Timotewu 6:8-10.
Kuzatisha nshimbi jamuBayibolu kwatukiñaña kumujimba. (Yishimu 14:30; 22:24, 25) Chakutalilahu, kukakela kunshimbi jaNzambi jahisha kusheta jatukiñaña kuyikatu yafwana nimaposu. (Yishimu 23:20) Yehova watwiteja kunwa walwa hohu nakwesekeja. (Masamu 104:15; 1 Akorinda 6:10) Nshimbi jaNzambi jatukwashaña kuyuula yililu yetu nikuhemba yitoñojoka yetu. (Masamu 119:97-100) AkwaKristu alala hiyalemeshaña nshimbi jaNzambi kulonda aheteleñamu aweniku. Ilaña afwilaña kumulemesha Yehova.—Tañenu Matewu 5:14-16.