Kukolesha
Muloñadi ambuña aNzambi chatela kudikoleshelawu wumu namukwawu?
Isa 35:3, 4; Kol 3:16; 1Te 5:11; Heb 3:13
-
Nsañu yamuBayibolu yikuyikwasha:
-
2Ku 32:2-8—Chayitiyishiliwu antu jindi woma, Mwanta Hezekiya wayikolesheli
-
Dan 10:2, 8-11, 18, 19—Kañelu wamukolesheli kaprofwetu washinakaja dehi Danyeli, hampinji yazeyeliyi
-
Muloñadi Yehova chakeñelañayi nindi akulumpi akolesheña amanakwawu?
Talenu cheñi Mat 11:28-30
-
Nsañu yamuBayibolu yikuyikwasha:
-
Kuh 3:28; 31:7, 8—Kaprofwetu Mosi wamukolesheli Yoshuwa watondeliwu nawu amusinsi neyi chamulejeliwu kudi Yehova
-
Yil 11:22-26; 14:22—Hampinji yayikabishileñawu, kapostolu Pawulu niBaranaba ayikolesheli akakristu muAntiyoki
-
Chalemenadi kuhameka antu hampinji yitunakuyikolesha?
-
Nsañu yamuBayibolu yikuyikwasha:
-
Ans 11:37-40—Ambanda amuIsarela ayileña nakumutala mwana kansompeshi Yefwata wamumbanda kamu hachaaka kulonda amukoleshi nanochu chadihaniniyi
-
Chi 2:1-4—Hela chakwila Yesu wayifumbili akaKristu amuEfwesesa, wasambilili kuyihameka hayuma yelileñawu chiwahi
-
Ambuña aYehova ashinshika anateli kudikolesha ñahi wumu namukwawu?
Yis 15:23; Efw 4:29; Fwp 1:13, 14; Kol 4:6; 1Te 5:14
Talenu cheñi 2Ko 7:13, 15, 16
-
Nsañu yamuBayibolu yikuyikwasha:
-
1Sa 23:16-18—Yonatani wayili nakumuwana ibwambu dindi wakansi Davidi nawa wamukolesheli hampinji yadiñayi mukukala
-
Ywn 16:33—Yuma yeliliyi Yesu yakolesheli akakumulondela indi nawa wayilejeli nindi niwena anateli kwimika mushindu
-
Yil 28:14-16—Hampinji yayileñayi kuRoma nakumusompesha, kapostolu Pawulu wakolesheweli chayimweniyi amanakwindi enjili nakumukolesha
-
Chalemenadi kwikala nakalemesha nikutondolwela chaaku chakutooba?
-
Nsañu yamuBayibolu yikuyikwasha:
-
Kuc 11:10-15—Kaprofwetu Mosi waneñeli muloña wakutooba nikudikaña kwawantu
-
Kuc 13:31, 32; 14:2-6—Nsañu yatama yashimwiniwu akakwendesha ituña 10 abula chikuhwelelu yaneñesheli antu nawa chafuminimu antu adikañili
-
Kudikunda nawamanakwetu niahela kunateli kutukolesha ñahi?
Yis 27:17; Rom 1:11, 12; Heb 10:24, 25; 12:12
-
Nsañu yamuBayibolu yikuyikwasha:
-
2Ku 20:1-19—Hampinji yamweniyi Mwanta Yehoshafati kukala kweneni wapompesheli antu hamu nakulomba
-
Yil 12:1-5, 12-17—Hanyima yakwila anamujahi kapostolu Yakoba nawa kapostolu Petulu anamushi mukaleya, chipompelu chamuYerusalema chapompeli hamu nakulomba
-
Kutoñojoka hayuma yitwachiñejaña kwatukwashaña ñahi kuumika hampinji yitudi mukweseka?
Yil 5:40, 41; Rom 8:35-39; 1Ko 4:11-13; 2Ko 4:16-18; 1Pe 1:6, 7
-
Nsañu yamuBayibolu yikuyikwasha:
-
Kut 39:19-23; 40:1-8—Hela chakwila amutwambilili nawa amukasili chakadi muloña, Yosefu watwalekelihu kwikala washinshika nawa wakwashileña akwawu
-
2An 6:15-17—Kaprofwetu Elisha watiyili wanyi woma chamulukukiliwu kudi amashidika nawa wamulombeleliku mukakumukalakela nindi niyena abuli kutiya woma
-
Izu daYehova Bayibolu Datukoleshaña
Yikaninwinyi yamuBayibolu yamwekeshaña nawu Yehova watukwashaña?
Kutoñojoka hakudiwunjika kwaYehova niluwi lwindi kwatukoleshaña ñahi?
Yehova wayikwashaña ñahi antu anazeyi?
Ms 46:1; Isa 12:2; 40:29-31; Fwp 4:13
-
Nsañu yamuBayibolu yikuyikwasha:
-
1Sa 1:10, 11, 17, 18—Yehova watiyili kulomba kwaHana nawa wamuwundishili muchima hampinji yaneñeliyi
-
1An 19:1-19—Hampinji yaneñeliyi kaprofwetu Elija, Yehova wamwinkeli menji niyakuda. Wamukolesheli nikumukundeja kuhitila mukumuleja yuma yayiwahi yikamwekana kumbidi
-
Muloñadi yikaninu yamuBayibolu chiyatukoleshelaña?
2Ku 15:7; Ms 27:13, 14; Heb 6:17-19; 12:2
-
Nsañu yamuBayibolu yikuyikwasha:
-
Yob 14:1, 2, 7-9, 13-15—Hela chakwila Yoba waneñeli nankashi, welukili nindi Yehova wakamusañula, nawa chumichi chamukundejeli
-
Dan 12:13—Kaprofwetu Danyeli, kashinakaji wadiña nayaaka kwakwihi na 100, amukolesheli kudi kañelu nansañu yamulejeliwu yayuma yayiwahi yikamwekana kumbidi
-
Kulomba kudi Yehova nikutoñojoka hayuma yitweluka hadi Yena kwatukoleshaña ñahi?
-
Nsañu yamuBayibolu yikuyikwasha:
-
1Sa 30:1-9—Hampinji yamweniyi kukala, Mwanta Davidi wamulombeli Yehova nawa wekalili nañovu
-
Luk 22:39-43—Hampinji yadiñayi mukweseka, Yesu walombeli nankashi, nawa Yehova wakwili kulomba kwindi kuhitila mukutemesha kañelu nakumukolesha
-
Kutiya malipoti ansañu yayiwahi nikulejaku akwetu iyi nsañu kunateli kutukolesha ñahi?
-
Nsañu yamuBayibolu yikuyikwasha:
-
Yil 15:2-4—Kapostolu Pawulu naBaranaba akolesheli yipompelu yendeleliwu
-
3Yo 1-4—Hampinji yashinakajiliyi kapostolu Yowanu wakolesheweli chikupu chatiyiliyi nawu antu adizishiliyi nsañu yayiwahi atwalekelihu kumukalakela Yehova
-