Nsañu yamuBayibolu yikuyikwasha:

• Ms 78:​40, 41; 106:​36-46—Hela chakwila aIsarela amuneñesheleña nankashi Yehova, ilaña wadiña nakuyanakena mpinji yejima

• Luk 15:​11-32—Yesu walumbulwili chanakenañayi Yehova, neyi chanakenañayi tata yawantu mwanindi wunavulumuni ilaña abalumuka mumuchima

Nsañu yamuBayibolu yikuyikwasha:

• Heb 9:​22-28—Kapostolu Pawulu walumbulwili nindi Yehova watwanakenaña muloña Kristu wahanini wumi windi kukola nshidi jetu

• Chi 7:​9, 10, 14, 15—Kapostolu Yowanu wasonekeli nindi Nzambi wanakenaña nshidi yawantu ‘amwiizaza deneni’ muloña wefutu danyiloña dahaniniyi Yesu

Nsañu yamuBayibolu yikuyikwasha:

• Yob 42:​7-10—Henonu Yehova kanda amuuki Yoba nikumukiswila, wamulejeli nindi ayilombeliku amabwambu jindi asatu ahosheli chatama

• Mat 18:​21-35—Yesu washimwini nindi neyi tunakukeña Nzambi atwanakeneña ninetu twatela kwanakenaña akwetu

 Nsañu yamuBayibolu yikuyikwasha:

• Ms 32:​1-5; 51:​1, 2, 16, 17—Chineli wakoñeli nshidi jasweja, Mwanta Davidi watiyileña neyi muchima wunabaluki nawa wunachikeki, dichi wabalumukili chikupu mumuchima

• Yak 5:​14-16—Yakoba washimwini nindi neyi tunakoñi nshidi yasweja, twatela kuyilejamu akulumpi

Nsañu yamuBayibolu yikuyikwasha:

• 1An 21:​27-29; 2Ku 18:​18-22, 33, 34; 19:​1, 2—Chamusompesheliwu Mwanta Ahabi, wadikehesheli nawa Yehova wamutiyilili luwi; hela chochu hamwekesheli nindi nahimpi chikupuku, dichi Yehova wamumweneña nindi himuntu watama nawa wamujahili

• 2Ku 33:​1-16—Mwanta Manasi wadiña watama chikupu; hela chochu, Yehova wamwanakeneni muloña wabalumukili mumuchima. Manasi wamwekesheli nindi nabalumuki chikupu chafumishiliyi ankishi nakufuntisha kudifukula kwalala

Nsañu yamuBayibolu yikuyikwasha:

• 2Sa 12:13; 24:1; 1An 9:​4, 5—Hela chakwila Davidi wakoñeli nshidi jasweja, Yehova wamwanakeneni muloña wabalumukili mumuchima nawa wamuteneni nindi muntu washinshika

Nsañu yamuBayibolu yikuyikwasha:

• Mat 26:​36, 40, 41—Akakumulondela Yesu akaamini mutulu twatweni hampinji yakeñeleñayi nindi ashakami hamu nindi, hela chochu, Yesu welukili nindi azeyeli

• Mat 26:​69-75; Luk 24:​33, 34; Yil 2:​37-41—Petulu wakaanini mapapa asatu nindi wamwiluka wanyi Yesu, ilaña Kristu wamwanakeneni; Yesu chamusañwiliwu wamwekeni kudi Petulu nawa wamwinkeli mudimu weneni wakukwasha chipompelu

Nsañu yamuBayibolu yikuyikwasha:

• Mat 23:​29-33—Yesu wayilejeli ansoneki niaFwarisi nindi akayisompeshela muGehena, dikwila nawu kuyijilumuna

• Ywn 17:12; Mak 14:21—Yesu wamuteneni Yudasi Isakaroti nindi “mwana kakujilumuka” nawa wahosheli cheñi nindi chadi kuwaha hohu neyi iwu nfwikiji wavwalikili wanyi