Mali
Wubanjinyi wekala mukusweja kukeña mali?
Talenu “Kukeña Maheta”
Bayibolu yamwekeshaña ñahi nawu chatama wanyi kwikala namali akudikwasha nachu muchisaka?
Mkw 7:12; 10:19; Efw 4:28; 2Te 3:10; 1Ti 5:8, 18
-
Nsañu yamuBayibolu yikuyikwasha:
-
Kut 31:38-42—Hakwila yakameneña chiwahi chisaka chindi Yakoba wamuzatilili muku windi Labani nakashinshi, ilaña Labani wamukabishileña Yakoba; hela chochu, Yehova wakiswilili nyidimu yaYakoba
-
Luk 19:12, 13, 15-23—Yesu wahanini chakutalilahu chamwekeshaña nawu antu adiñaku mumafuku indi adiña nakwiñija mali mujakulanda nakulandulula kulonda mali awu avuli
-
Bayibolu yahoshahu nawudi kutalisha hakukongola nikukongwesha mali?
Muloñadi chitwatela kutondolwela kudiñija munyikudi?
-
Nsañu yamuBayibolu yikuyikwasha:
-
Ne 5:2-8—AIsarela amakwawu amumafuku aNguvulu Nehemiya ayitiyilileña wanyi luwi antu akongweli yuma yawu
-
Mat 18:23-25—Chakutalilahu chaYesu chatwanukishaña nawu neyi muntu akongola mali amukwawu ilaña akañanya kufuntisha atela kumubabesha
-
Yumanyi yitwatela kwila henohu kanda tudiñiji munsañu yakulanda nakulandulula namuntu wabula kwitiya, mukwetu mukakristu hela ntaña?
-
Nsañu yamuBayibolu yikuyikwasha:
-
Kut 23:14-20—Hampinji yakeñeleñayi Abarahama iluña dakumujiikahu Sara, walandili iluña niiyeñu hamesu awayinsahu kulonda akamwimeniku neyi kumwekana kukala kumbidi
-
Yer 32:9-12—Hampinji yalandileñayi kaprofwetu Yeremiya iluña kudi musonyindi, asonekeli chipapilu chamwekesheleña nawu nalandi, niyena wasendelihu chipapilu chimu nawa wafweteleli mali hamesu awayinsahu
-
Chawahiladi kutoñojokela chadimu chakuzatisha mali itukweti henohu kanda tuyizatishi?
Muloñadi akaKristu chatela kubulilawu kwiteja kubula kutiyañana hansañu jamali kuleta chaambu muchipompelu?
Talenu cheñi Rom 12:18; 2Ti 2:24
Tunateli kuzatisha ñahi mali etu munjila yikutuletela muzañalu?