Nsañu yamuBayibolu yikuyikwasha:

• Kut 24:​1-4, 7—Abarahama wamukeñeleleli mwanindi Isaka mumbanda hadi ambanda amukalakeleleña Yehova, bayi aKenani adifukwileña kudi anzambi amakwawuku

• Kut 28:​1-4—Isaka wamulejeli mwanindi Yakoba nindi watela kusumbula mumbanda wamukalakeleleña Yehova, bayi aKenani abulileña kumukalakela Yehovaku

Nsañu yamuBayibolu yikuyikwasha:

• 1An 11:​1-6, 9-11—Mwanta Solomoni wamuhilishili Yehova nanochu chadiwiliyi kusoñamisha kwindi, nakusumbula ambanda akwacheñi, nichetejeliyi aluwañeshi muchima windi

• Ne 13:​23-27—Kufwana Yehova, Nguvulu Nehemiya wahilili nankashi chamweniyi aIsarela awamayala anasumbuli ambanda akwacheñi dichi wayibabesheli nikuyolola

Nsañu yamuBayibolu yikuyikwasha:

• 1Sa 25:​2, 3, 14-17—Nabali wadiña muntu waheta, ilaña wadiña watama muchima nawa wadiña nakasawuntu, wamukabishileña ñodindi Abigayili

• Yis 21:9—Neyi twiñila muwulu namuntu wakalisha hitukwikala namuzañalu hela nakuwundaku

• Rom 7:2—Kapostolu Pawulu washimwini nindi neyi mumbanda asumbuka, nfumwindi wekalaña nawuswa hadi yena; dichi, mumbanda wamaana watela kusakula chiwahi muntu wakwiñila nindi muwulu

Nsañu yamuBayibolu yikuyikwasha:

• Yis 24:27—Henohu iyala kanda asumbuli nikwikala nanyana watela kudiloñesha kulonda akahembi chiwahi chisaka chindi

Nsañu yamuBayibolu yikuyikwasha:

• Lut 2:​4-7, 10-12—Bowazi wamwilukishili Luti chiwahi kuhitila mukumona nyidimu yazatileñayi, chamwakameneniyi Nawomi, chahosheleñawu antu yuma yayiwahi hadi yena nichamukeñeliyi Yehova

• Lut 2:​8, 9, 20—Luti welukili nindi Bowazi wukweti luwi, wahanaña nawa wamukeña Yehova

 Nsañu yamuBayibolu yikuyikwasha:

• Yis 5:​18, 19—Njila jikwawu jakumwekeshelamu kukeña atela kujila hohu kudi antu adi muwulu

• Kam 1:2; 2:6—Hampinji yadilukileñawu aKabiña namumbanda kashulami adimwekesheleleña kukeña munjila yayiwahi bayi yatamaku

• Kam 4:12; 8:​8-10—Mumbanda kaShulami wadihembeli chikupu nawa amwesekejeli netempa dakukoleka

Nsañu yamuBayibolu yikuyikwasha:

• Kut 21:​8-12—Yehova wamulejeli Abarahama kumutiyilila ñodindi Sara hela chakwila Abarahama hetejeli mwahosheleñayiku

• Yis 31:​10, 11, 16, 28—Iyala wamuwahi wasumbula mumbanda wamuwahi, hamuyuulaña ñodindi hela kukeña yiluwa mudi yenaku; ilaña wamukuhwelelaña nawa wamuhamekaña

• Efw 5:33—Mazu onenewa asonekeliyi kapostolu Pawulu amwekeshaña nawu mumbanda wakeñaña kwiluka nindi nfumwindi wamukeña

Nsañu yamuBayibolu yikuyikwasha:

• Yis 1:8; 1Ko 7:4—Mumbanda wasumbuka, hela wukweti anyana hela nehi wukweti wuswa wamwinkawu kudi Nzambi

• 1Ko 11:3—Kapostolu Pawulu washimwini nindi mukuloñesha kwaYehova wejima wetu, kufumishaku hohu Nzambi waÑovu Jejima, twovwahila mutu wachisaka wumu hohu

• Heb 13:​7, 17—Muchipompelu, amayala niambanda atela kutiyilila amanakwetu anakulombola

Nsañu yamuBayibolu yikuyikwasha:

• Kut 18:12; 1Pe 3:​5, 6—Sara wamulemesheleña nfumwindi chikupu, wamumweneña nindi “mwanta,” hela mutu wachisaka nimuyitoñojoka yindi

Nsañu yamuBayibolu yikuyikwasha:

• Kut 24:​62-67—Rabeka wamukundejeli nfumwindi Isaka, hampinji yafwiliyi mama yindi

• 1Sa 25:​14-24, 32-38—Abigayili wamukiñili nfumwindi wadiña wabula maana niamwitala dindi ejima kuhitila mukuhosha naDavidi nakalemesha

• Esi 4:​6-17; 5:​1-8; 7:​1-6; 8:​3-6—Mwadi Esita washili wumi windi muwubanji kapampa kayedi hayiliyi nakuhosha nanfumwindi wadiña mwanta, chakubula kumutambika kulonda akiñi antu jaNzambi