Wulu
Hinyi watachikili wulu?
MukaKristu watela kusakula muntu wamuchidinyi wakwiñila nindi muwulu?
Muloñadi mukaKristu chatela kubulilayi kwiteja mwanindi kwiñila muwulu namuntu wabula kudihana hela kupapatishewa nakwikala kambuña aYehova?
-
Nsañu yamuBayibolu yikuyikwasha:
-
Kut 24:1-4, 7—Abarahama wamukeñeleleli mwanindi Isaka mumbanda hadi ambanda amukalakeleleña Yehova, bayi aKenani adifukwileña kudi anzambi amakwawuku
-
Kut 28:1-4—Isaka wamulejeli mwanindi Yakoba nindi watela kusumbula mumbanda wamukalakeleleña Yehova, bayi aKenani abulileña kumukalakela Yehovaku
-
Yehova watiyaña ñahi neyi ambuñindi eñila muwulu nawantu abulaña kumukalakela?
-
Nsañu yamuBayibolu yikuyikwasha:
-
1An 11:1-6, 9-11—Mwanta Solomoni wamuhilishili Yehova nanochu chadiwiliyi kusoñamisha kwindi, nakusumbula ambanda akwacheñi, nichetejeliyi aluwañeshi muchima windi
-
Ne 13:23-27—Kufwana Yehova, Nguvulu Nehemiya wahilili nankashi chamweniyi aIsarela awamayala anasumbuli ambanda akwacheñi dichi wayibabesheli nikuyolola
-
Muloñadi chichawahila kwiñila muwulu namuntu washinshika kudi Yehova nawa wukweti yilwilu yayiwahi?
Talenu cheñi Efw 5:28-31, 33
-
Nsañu yamuBayibolu yikuyikwasha:
-
1Sa 25:2, 3, 14-17—Nabali wadiña muntu waheta, ilaña wadiña watama muchima nawa wadiña nakasawuntu, wamukabishileña ñodindi Abigayili
-
Yis 21:9—Neyi twiñila muwulu namuntu wakalisha hitukwikala namuzañalu hela nakuwundaku
-
Rom 7:2—Kapostolu Pawulu washimwini nindi neyi mumbanda asumbuka, nfumwindi wekalaña nawuswa hadi yena; dichi, mumbanda wamaana watela kusakula chiwahi muntu wakwiñila nindi muwulu
-
Chakwila henohu kanda mwiñili muwulu
Muloñadi iyala chatela kudiloñeshelayi henohu kanda atachiki kutoñojoka jakusumbula?
-
Nsañu yamuBayibolu yikuyikwasha:
-
Yis 24:27—Henohu iyala kanda asumbuli nikwikala nanyana watela kudiloñesha kulonda akahembi chiwahi chisaka chindi
-
Muloñadi antu anakudiluka chatela kulombelawu wukwashu kulonda adilukishi chiwahi henohu kanda adisumbuli chatela ashi hohu maana hammwekenu yakumesu?
-
Nsañu yamuBayibolu yikuyikwasha:
-
Lut 2:4-7, 10-12—Bowazi wamwilukishili Luti chiwahi kuhitila mukumona nyidimu yazatileñayi, chamwakameneniyi Nawomi, chahosheleñawu antu yuma yayiwahi hadi yena nichamukeñeliyi Yehova
-
Lut 2:8, 9, 20—Luti welukili nindi Bowazi wukweti luwi, wahanaña nawa wamukeña Yehova
-
Yehova wakeñelañadi nindi antu ayedi anakudiluka abuli kwila yuma yelaña adisumbula henohu wena kanda eñili muwulu?
-
Nsañu yamuBayibolu yikuyikwasha:
-
Yis 5:18, 19—Njila jikwawu jakumwekeshelamu kukeña atela kujila hohu kudi antu adi muwulu
-
Kam 1:2; 2:6—Hampinji yadilukileñawu aKabiña namumbanda kashulami adimwekesheleleña kukeña munjila yayiwahi bayi yatamaku
-
Kam 4:12; 8:8-10—Mumbanda kaShulami wadihembeli chikupu nawa amwesekejeli netempa dakukoleka
-
Muloñadi antu chatela kudisumbwilawu kwesekeja nanshimbi janfulumendi?
Nyidimu yatela kuzatayi iyala
Nyidimwinyi yalema yatela kuzatawu amayala?
Hakwila amayala aKristu asumbula azateña chiwahi mudimu wawu muchisaka anyi atela kwimbujolañawu?
Muloñadi iyala chatela kumwekeshelayi nindi wamukeña mwinikwindi nawa weluka yuma yamutiyishaña kuwaha?
-
Nsañu yamuBayibolu yikuyikwasha:
-
Kut 21:8-12—Yehova wamulejeli Abarahama kumutiyilila ñodindi Sara hela chakwila Abarahama hetejeli mwahosheleñayiku
-
Yis 31:10, 11, 16, 28—Iyala wamuwahi wasumbula mumbanda wamuwahi, hamuyuulaña ñodindi hela kukeña yiluwa mudi yenaku; ilaña wamukuhwelelaña nawa wamuhamekaña
-
Efw 5:33—Mazu onenewa asonekeliyi kapostolu Pawulu amwekeshaña nawu mumbanda wakeñaña kwiluka nindi nfumwindi wamukeña
-
Nyidimu yatela kuzata mumbanda
Nyidimwinyi yalema yatela kuzatawu ambanda akaKristu?
Komana nyidimu yazataña mumbanda yakehelamu?
-
Nsañu yamuBayibolu yikuyikwasha:
-
Yis 1:8; 1Ko 7:4—Mumbanda wasumbuka, hela wukweti anyana hela nehi wukweti wuswa wamwinkawu kudi Nzambi
-
1Ko 11:3—Kapostolu Pawulu washimwini nindi mukuloñesha kwaYehova wejima wetu, kufumishaku hohu Nzambi waÑovu Jejima, twovwahila mutu wachisaka wumu hohu
-
Heb 13:7, 17—Muchipompelu, amayala niambanda atela kutiyilila amanakwetu anakulombola
-
Muhela mukaKristu wasumbuka neyala wabula kwitiya nateli kumuzañalesha ñahi Yehova?
Muhela mukaKristu nateli kumulemesha ñahi nfumwindi?
-
Nsañu yamuBayibolu yikuyikwasha:
-
Kut 18:12; 1Pe 3:5, 6—Sara wamulemesheleña nfumwindi chikupu, wamumweneña nindi “mwanta,” hela mutu wachisaka nimuyitoñojoka yindi
-
Mumbanda wamuchidinyi ahamekawu muBayibolu?
-
Nsañu yamuBayibolu yikuyikwasha:
-
Kut 24:62-67—Rabeka wamukundejeli nfumwindi Isaka, hampinji yafwiliyi mama yindi
-
1Sa 25:14-24, 32-38—Abigayili wamukiñili nfumwindi wadiña wabula maana niamwitala dindi ejima kuhitila mukuhosha naDavidi nakalemesha
-
Esi 4:6-17; 5:1-8; 7:1-6; 8:3-6—Mwadi Esita washili wumi windi muwubanji kapampa kayedi hayiliyi nakuhosha nanfumwindi wadiña mwanta, chakubula kumutambika kulonda akiñi antu jaNzambi
-
Kumanisha kukala
Yishinanyi yinateli kukwasha eyala namumbanda adisumbula kumanisha kukala muwulu wawu?
Yishinanyi yinateli kukwasha eyala namumbanda adisumbula kuzatisha chiwahi mali?
Luk 12:15; Fwp 4:5; 1Ti 6:9, 10; Heb 13:5
Talenu cheñi “Mali”
Yishinanyi yinateli kukwasha eyala namumbanda adisumbula kufuukula chiwahi chatela kwilañawu nawantaña jawu niatuwuku?
Yishinanyi yinateli kukwasha eyala namumbanda adisumbula kwikala ashinshika muwulu wawu kutalisha hansañu yawuvumbi?
Muloñadi chichalemena kusha maana hayilwilu yayiwahi yikweti enikwetu chatela tutaleña hayiluwa yawu?
Chawahiladi kunyakala kumanisha kukala munjila yayiwahi chatela tudihembeleña nkunyi hela kudizuwila?
Muloñadi akaKristu chatela kutondolwelawu kuzuwa, kuzazoka, nhoshelu yakasawuntu, niyuma yejima yatama?
Neyi eyala namumbanda adi nakukala mukachi kawu chumanyi chatela kufwila kwilawu?
Nkiswinyi yafumañamu neyi eyala namumbanda azatishaña nshimbi jamuBayibolu muwulu wawu?
Nshimbi jatela kulondela adi muwulu
Nshimbinyi yashaku Yehova kutalisha hawulu niwuvumbi?
AkaKristu atela kusumbuka hela kusumbula wuhadi?
Tuneluki ñahi netu antu atela kudisumbula chiña eyala namumbanda hohu?
Muloñadi eyala namumbanda chiyatelela kubulilawu kwambuka?
Chumanyi chetejawu muBayibolu chatela kudiseñelawu akaKristu?
Yehova watiyaña ñahi neyi antu adiseñela hayuma yabula kushikilamu?
Neyi wumu hadi adisumbula afwa, komana wunashali wakasunuka kwiñila cheñi muwulu?