Wushinakaji; Atushinakaji

VUMISHENU

Chumanyi chamwekanaña neyi muntu nashinakaji?

Ms 71:9; 90:10

Nsañu yamuBayibolu yikuyikwasha:
- Mkw 12:1-8—Mwanta Solomoni, wazatishili mazu ankinji hakuhosha hakukala kwenzaña muloña wawushinakaji, chidi neyi kufwa mesu (“nawa ayañadima anakutalila hamawindu anakumona mwidima hohu”) nikufwa matu (“mazu awanyana awambanda ejima anakwimba anakuya nakukeha”)

2Ko 4:16-18; Yak 1:2-4

Nsañu yamuBayibolu yikuyikwasha:
- 1Sa 12:2, 23—Nihampinji yashinakajiliyi kaprofwetu Samweli welukili nindi chalema kutwalekahu kulombelaku antu jaYehova
- 2Sa 19:31-39—Mwanta Davidi wamusakilili kashinakaji Bazilayi muloña wakwikala washinshika kudi yena, nawa Bazilayi wamulejeli mwanta nakalemesha nindi hakutwesha kuya kuYerusalemaku
- Ms 71:9, 18—Mwanta Davidi watiyili woma nindi Yehova wukuleka kumuzatisha muloña wawushinakaji dichi wamulombeli nindi bayi aleka kumuzatishaku ilaña amwinki ñovu yakudizisha ikiñu dakahiñahu dakamwiluki Yehova
- Luk 2:36-38—Kaprofwetu wamumbanda Ana, ntuluwa washinakaja dehi, amukiswilili muloña wadiña wadihana nawa washinshika

Ms 92:12-14; Yis 16:31; 20:29; Isa 46:4; Tit 2:2-5

Nsañu yamuBayibolu yikuyikwasha:
- Kut 12:1-4—Abarahama chashikijiliyi yaaka 75, Yehova wamwinkeli mudimu wahimpili chihandilu chindi
- Dan 10:11, 19; 12:13—Kañelu wenjili kudi kaprofwetu Danyeli, wadiña nayaaka yamuma 90 nakumukolesha nindi walema kudi Yehova nawa akamukiswila muloña wakashinshi kindi
- Luk 1:5-13—Yehova wayikiswilili aZekariya naElizabeta adiña ashinakaja dehi hakuyinka muchihayamisha mwana weyala Yowanu
- Luk 2:25-35—Yehova wamwinkeli kashinakaji Simiyoni kukooleka kwakumumona nkemba wakekala Mesiya, Simiyoni washimwini wuprofwetu wonenewa hadi iwu mwana
- Yil 7:23, 30-36—Kaprofwetu Mosi wadiña nayaaka 80 hamwinkeliwu kudi Yehova mudimu wakulombola aIsarela

Lev 19:32; 1Ti 5:1

Nsañu yamuBayibolu yikuyikwasha:
- Kut 45:9-11; 47:12—Yosefu wamutambikili tata yindi Yakoba wadiña washinakaja dehi, nawa wamuhembeli tata yindi kushika nimpinji yafwiliyi
- Lut 1:14-17; 2:2, 17, 18, 23—Luti wamukwashili kashinakaji Nawomi mumazu nimunyidimu
- Ywn 19:26, 27—Hampinji yadiñayi kwakwihi nakufwa, Yesu wamwinkeli kapostolu akeñeliyi nankashi Yowanu mudimu wakumuhemba mama yindi