MUNEÑILI Mwiitala denu daWanta nawa munadijimbali muloña nachidinakumwekana. Idi itala dayitiyishaña kuwaha mpinji yejima. Hadaha mwanukaña nakuzañalala hampinji yimwatuñileña idi itala hayaaka yinahitihu. Ilaña ichi munazañalali chikupu muloña Itala daWanta anadibalumuni hakapinji kantesha kuhaninamu wukwashu kudi antu anakaankili. Muloña wakwila mwiluña denu mwanokeli nvula yeneni yaleteli dibaji nakukisañana yuma, Kometi yaMutayi yaloñesheli swayi-swayi njila yakwinkelamu antu adi muwubanji yakuda, yakuvwala, menji niwukwashu wukwawu. Yuma yinaletiwu anayitanjiki chiwahi. Amanakwetu niahela anakwiñila nakutambula wukwashu nawa amavulu anakushiita madilu muloña wamuzañalu.

Yesu wahosheli nindi kukeña dichi chinjikijilu chalema chakuyilukilaku antu jindi. (Yow. 13:34, 35) Muchinu chibalu, tukuhanjeka akwaKristu chinakumwekeshawu kukeña munyidimu yakutuña nikuhana wukwashu wunakuzatawu aYinsahu jaYehova. Kukeña kwamuchidiwu hiwunsahu wunakumwekesha nawu atuyuulaña kudi Wanta waYesu.