Nsañu Yawantu Anakwinza Kukupompa
ATULAMA Atulama anayinki mudimu wakuyikwasha. Mwani zatilenu nawu hamu kuhitila mukulondela yuma yinakuyilejawu sweje-e hakwimika nyotoka, kuleja izaza hakwiñila nihakwidika, kukwatila hakushakama niyuma yikwawu.
CHIPAPATISHU Yitwamu yinahembeluwu anakupapatishewa yatela kwikala mwizaza kumbidi yebulu kwiji neyi kudi kuhimpika. Anakupapatishewa atela kushakama heluña dinayiloñesheluwu henohu mpanji yachipapatishu kanda yitachiki hefuku damuchiyedi nantetemena. Muntu himuntu watela kusenda tawelu niyakuvwala yashikila yakumupapatisha nachu.
YAWAANA Mali ashikila anazatiki kulonda aloñeshi hakushakama, yihoshelu, yuma yazatishañawu kumafwilimu niyuma yikwawu yawahishaña kupompa kulonda tukundami kwakwihi naYehova. Yawaana yenu yakuhana mukudikeñela yakwashaña kuwanisha iyi yuma nikukwasha mudimu wamukaayi kejima. Hakwila chiyipeleluku, yikasha yakwinkamu yawaana hakusoneka chiwahi anayishi mumaluña ejima. Twahamekaña nankashi hayawaana yejima yimwahanaña. Izanvu Dalombolaña dinayihameki hayawaana yimwahanaña yakukwasha nachu mudimu waWanta.
FIRST AID Mwani ilukenu nenu yinu dipatimenti yazatilaña HOHU HAKUKALA KUNAMWEKANI MUKUKASUMWISHA.
YUMA YINAJIMBALI NIKWAKUYIWANA Yuma yejima yimukuwana mwatela kuyitwala kuDipatimenti yatalaña haYuma Yinajimbali. Neyi munajimbeshi chuma, yenu kuniyi dipatimenti kulonda mwakakeñeluku yuma yenu. Anyana anawomboloki anvwali jawu nawa anajimbali mwatela kuyitwala kuniyi dipatimenti. Ilaña dinu, bayi mukimona neyi hikapeka kakuhembela anyanaku, mwani hembenu anyanenu nawa shakamenu nawu hamu.
KUSHAKAMA Mwani toñojokelenuku akwenu. Anukenu nenu, mwatela hohu kuhembela yitwamu antu imudi nawu mumotoka hela antu imwashakamaña nawu itala dimu hela imunakudiza nawu Bayibolu. Mwani bayi musha yuma hayitwamu yimunabuli kukwatilaku.
MUDIMU WAKUDIKEÑELA Neyi munakukeña kudihana kulonda muzatiku mudimu wakuloñesha wudi hakupompa, mwani yenu kuniyi dipatimenti.
KUBULAKANA KWADIMENA
SHIKOLA YAWAKWAKUSHIMWINA AWANTA Apayiniya adi nayaaka 23 nakushika ku 65 anakukeña kutwala mudimu wawu wakushimwina hambidi anayitambiki kukubulakana kwawamanakwetu anakukeña kuya kuShikola Yawakwakushimwina aWanta hefuku dakukumishaku nampinji yakunooka. Akabidika kwakubulakena nimpinji.
Anakuloñeshi kudi Izanvu Dalombolaña dawaYinsahu jaYehova
