Wanta waNzambi hiChumanyi?
Komana mukuhosha nenu . . .
-
hichuma chidi mumuchima wenu?
-
hinhoshelu hohu?
-
indi kwiji hinfulumendi yamwiwulu?
BAYIBOLU YAHOSHAÑA NAWU
‘Nzambi wamwiwulu wamba kaloñesha wanta wakabula kukisañanawu.’—Danyeli 2:44, Bayibolu yaNsona jaKaayi Kakaha.
‘Anatwinki mwana weyala; wakasenda nfulumendi hachifwiji chindi.’—Isaya 9:6.
WULOKU WUMUKUTAMBWILA
-
Nfulumendi yaloña yinateli kuyikwasha kwikala nachihandilu chachiwahi.—Isaya 48:17, 18.
-
Mwituña dadiha dinakwinza, mwakakataña wanyi nawa mwakekala namuzañalu.—Chimwekeshu 21:3, 4.
TUNATELI KUKUHWELELA CHIKUPU YUMA YAHOSHAÑA BAYIBOLU?
Eña, hamuloña wayuma yiyedi:
-
Yesu washimwini yuma yakakoña Wanta waNzambi. Yesu walejeli atumbanji twindi kulomba nawu Wanta waNzambi winzi ninkeñelu yaNzambi ayili hamaseki. (Matewu 6:9, 10) Yesu wamwekesheli chakakulawu iku kulomba.
Hampinji yadiñayi hamaseki, Yesu wadiishili antu adiña nanzala, wokili akata nawa wasañwili afu! (Matewu 15:29-38; Yowanu 11:38-44) Chineli wakekala Nyuuli waWanta waNzambi, Yesu wamwekesheli yuma yayiwahi yakakoña iwu Wanta kudi antu iwakayuulaña.—Chimwekeshu 11:15.
-
Yuma yinakumwekana mukaayi yinakumwekesha nawu Wanta waNzambi keña winzi. Yesu washimwini nindi henohu Wanta kanda wuleti kuwunda hamaseki, mukaayi mwakekala majita, nzala yakapwelendendi ninyitentanshi.—Matewu 24:3, 7.
Iyi diyuma yitunakumona makonu. Dihanafumi hitukukuhwelela netu Wanta waNzambi keña wumanishi kukala kwejima.
LWIHU LUTWATELA KUTOÑOJOKAHU
Indi antu akashakamaña ñahi muchiyuulu chaWanta waNzambi?
Bayibolu yakula ilu lwihu haMASAMU 37:29 nihaISAYA 65:21-23.
You May Also Like
NTAÑISHILU YALEMA YAMUBAYIBOLU
Wanta waNzambi hiChumanyi?
Mukushimwina kwindi, Yesu wahosheli nankashi haWanta waNzambi kubadika nsañu yikwawu. Hadi yaaka yayivulu akwakumulonda analombi nawu iwu Wanta winzi.
KAPOSHI KAKUTALILA
Yumanyi Yikela Wanta WaNzambi?
Yesu welukili nindi Wanta waNzambi diyi nfulumendi hohu yinateli kumanisha kukala heseki. Yumanyi yineli dehi iwu Wanta yinateli kukolesha chikuhwelelu chetu?
KAPOSHI KAKUTALILA
Wanta waNzambi—Hinfulumendi Yakadi Majika Kanwa
Yikuma yitanu nachimu yaWanta yinakumwekesha nawu kukekala kwosi majika kanwa.
CHITWEKALA
Muloñadi Wutwatela Kudizila Bayibolu Yejima?
Bayibolu yakula malwihu alema ehulañawu antu amavulu mwahita kaayi kejima. Mukukeña kwiluka ñakwilu?
