HaOctober 9, 2024, akaWorld Wildlife Fund ashimwini nsañu kutalisha hadi antu chinakuzatishawu chatama anyama. Yamwekesheli hatooka nawu “hadi yaaka kubadika ha 50 (kufuma mu 1970 nakushika mu 2020), chatalileñawu anyama awanini nawu naambala yawanyama yinafunti nankashi mwishina na 73%.” Lipoti yahosheli nawu: “Tunakulebumuna wanyi hakuhosha netu yuma yikamwekana muyaaka yitanu yikalondelahu diyakamwekesha chikekala chihandilu hanu hamaseki.”

 Antu amavulu anahayami nansañu yamuchidiwu. Twakeña iseki detu dalubanji nawa twatiyaña kutama neyi tumona anyama anakukabakana. Twatiyaña muniyi njila muloña Nzambi wakeñeleña nindi twakameneña anyama.—Kutachika 1:27, 28; Yishimu 12:10.

 Munateli kutachika kudihula nenu, ‘Tukatwesha kukiña anyama hanu hamaseki? Bayibolu yahoshahu nawudi?

 Hela chakwila tukuzata nañovu kukiña anyama, Nzambi hohu diyi wakayikiña chikupu. Bayibolu yashimwineñahu dehi, kwesekeja naChimwekeshu 11:18, nawu Nzambi ‘wakajilumuna antu anakukisañana iseki.’ Iyi vasi yatudizishaña yuma yiyedi:

1.  1. Nzambi wakakañesha antu kukisañana iseki.

2.  2. Nzambi keña elihu chuma. Tuneluki ñahi? Makonu antu anakukisañana anyama chikupu kubadika chichadiña kunyima?

 Nzambi wakela ñahi hakwila yakamanishi iku kukala? Wakazatisha nfulumendi yindi yamwiwulu hela Wanta, kuyuula kanu kaayi kejima. (Matewu 6:10) Iyi nfulumendi yakadizisha antu ovwahila chakwakamena nikukiña anyama hanu hamaseki.—Isaya 11:9.