TONENUÑA!
Hinyi Mwatela Kukuhwelela?—Bayibolu Yahoshahu Nawudi?
Antu aneñaña nankashi neyi muntu akuhwelelawu ayineñesha. Antu amavulu analeki kuyikuhwelela . . .
Anlomboli amumapolitiki elaña yuma yakuditiyisha aweni kuwaha chatela atiyisheña antu jawu kuwaha.
yikuzulemba yabulaña kushimuna nsañu yoloka.
asayantisiti abulaña kwila yuma yikukwasha antu.
anlomboli mumachechi anadiñiji munsañu jamatuña nachiyuulu chatela amwimeneñaku Nzambi.
Ichi antu anababali nawa hiyanakukuhwelela hohu muntu wudi wejimaku. Bayibolu yatubabeshaña nawu:
“Bayi wukuhwelela anlomboli jawantuku; kwosi muntu wunateli kukwamwina.”—Isamu 146:3, Good News Translation.
Muntu imwatela kukuhwelela
Bayibolu yashimuna muntu imwatela kukuhwelela: Yesu Kristu. Bayi neyi wadiña hohu muntu wamuwahi wadiñaku yaaka yayivulu yinahituhuku. Nzambi wamutondeli Yesu kuyuula “neyi Mwanta. . . , nawa Wanta windi hiwamba kakumaku.” (Luka 1:32, 33) Yesu diyi Mwanta waWanta Nzambi, nfulumendi yinakuyuulila mwiwulu.—Matewu 6:10.
Hakwila mwiluki chimunateli kumukuhwelela Yesu, tañenu iyi yibaaba “Mwanta waWanta waNzambi Hinyi?” hela ichi chibaaba chaCibemba, “Finshi Ubufumu bwa kwa Lesa Bukacita?”