IKALENU ATONA!
Hinyi Wukuyamwina Antu Adi Mumatu Mudi Njita?—Bayibolu Yahoshahu Nawudi?
Mutayi wa United Nations washimwini nawu:
Kufuma haOctober 7 nakushika haOctober 23, 2023, antu akushika 6,400 anayijahi nawa antu akushika 15,200 anayikatishi , muloña wanjita yidi muGaza netuña daIsrael, hadawa antu amavulu hiyamashidika wanyi. Antu akadi kutwesha kuchinda anashiyi nyikala yawu.
Chitwashikaña haSeptember 24, 2023, antu akushika ku 9,701 ayijaha nawa antu akushika ku 17,748 amuUkraine anayikatishi muloña wanjita yinakuzuña ituña daRussia naUkraine.
Yumanyi yashimunawu muBayibolu yinateli kukwasha antu anakukabakana muloña wamajita?
Chuma chitunakuchiñeja
Bayibolu yashimwineñahu dehi nawu Nzambi “wakamanisha majita heseki dejima.” (Isamu 46:9) Wakasinsishahu nfulumendi yamwiwulu, hela Wanta, hajinfulumendi jawantu jejima. (Danyeli 2:44) Wanta waNzambi wakamwina antu.
Talenu yuma yakelayi Yesu Kristu Mwanta waWanta waNzambi
Yena wakapulwisha kazweñi wunakulomba wukwashu, cheñi nimuntu wakehelamu niwejima wunabuli wakumukwasha. Antu akehelamu niatuzweñi wakayitiyila wushona nawa wakaamwina mawumi awatuzweñi. Wakayipulwisha kumakabisha nikumadombu.”—Isamu 72:12-14.
Nzambi wakazatisha Wanta windi kufumishawu yihuñu nimakabi anakumonawu antu muloña wamajita nimadombu.
“ Wakakombola madilu ejima kumesu awu, nikufwa hikwakekalaku cheñiku, hikwakekala cheñi kudishona, kudila hela kuyeñaku yuma yakunyima yinahiti dehi.”—Chimwekeshu 21:4.
Katataka Wanta waNzambi wukutachika kuyula iseki dejima. Bayibolu yashimwineñawu dehi “majita ninsañu yamajita” yinakumwekana makonu. (Matewu 24:6) Yumiyi niyuma yikwawu yinakumwekana yinakumwekesha nawu tunakushakama “mumafuku akukuminina” muchiyuulu chawantu.—2 Timotewu 3:1.