Anlomboli amukaayi kejima ninyitayi yamaneni anakañanyi kuleta kuwunda. Makonu, madombu anasweji nankashi kufuma tuhu hamanini Njita yaKaayi Yamuchiyedi. Antu kwakwihi na 2 biliyoni—dikwila nawu chibalu chawantu mukaayi—kumaluña kunakushakamawu kudi majita.

 Muloñadi antu chinakañenyiwu kuleta kuwunda? Bayibolu yahoshahu nawudi?

1.  1. Antu amwekeshaña yilwilu yayikañeshaña kuleta kuwunda. Bayibolu yashimwineñahu dehi nawu, “antu akekala akakudikeña awenawu, akeña mali, akakudinka wanta, akakuditohesha, . . . abula kushinshika, . . . abulaña kukeña kutiyañana nawakwawu, . . . abulaña kudiyuula, asweja kuzuwa, . . . achinchika, akakudivwimba.”—2 Timotewu 3:2-4.

2.  2. Antu ejima, hela ekali nkawindi hela amavulu, hiyakweti ñovu yakumanisha kukala kwamonañawu chakubula kuyikwasha kudi Nleñi yawu, Yehova a Nzambiku. Bayibolu yashimuna nawu “muntu wunakwenda hakutwesha kwiluka nichakulombola ntampu jindiku.”—Yeremiya 10:23.

3.  3. Kaayi anakukiyuula kudi nlomboli watama wasweja ñovu chikupu, Satana Diyabolu, diyi “wunakuluwañesha antu ashakama heseki hejima.” (Chimwekeshu 12:9) Chineli “kaayi kejima kadi mumakasa awatama,” kukwikalaña majita nimadombu.—1 Yowanu 5:19.

 Bayibolu yatulejaña nawu kuwunda kwakekala koku, bayi neyi antu diwu akuleta kuwundaku ilaña Nzambi diyi.

•   “‘Neluki yuma yinnakuyitoñojokela, hiyitoñojoka yakuwunda, bayi yayihuñuku, yakuyinka mbidi yayiwahi nikuchiñeja.’”—Yeremiya 29:11.

 Nzambi wakashikija ñahi iwu wuprofwetu? “Nzambi wahanaña kuwunda, katataka yamuchiki Satana.” (ARoma 16:20) Nzambi wakazatisha nfulumendi yamwiwulu, yatenawu muBayibolu nawu “Wanta waNzambi,” kuleta kuwunda mukaayi kejima. (Luka 4:43) Muchiyuulu chaYesu Kristu, Mwanta wanowu Wanta, antu akayidizisha kushakama mukuwunda.—Isaya 9:6, 7.

•   Hakwila mwilukilihu yuma yikwawu, tañenu chibaaba chinakuhosha nawu “Yumanyi Yakela Wanta waNzambi?”