Njita yidi muUkraine yashikija chaaka chimu hachitanu, haFebruary 24, 2023. Malipoti amakwawu ashimwini nawu, mashidika amuUkraine nimuRussia akushika ku 300,000 anadikatishi hela anafwi nawa hadaha antu kwakwihi na 30,000 anafwi muniyi njita. Hela chochu iyi nambaala yatela nikubadikahu.

 Chawushona, kwosi wunsahu wunakumwekesha nawu iyi njita yikumana swayi.

•   HaFebruary 19, 2023 chisanji cha NPR (National Public Radio) chahosheli nawu “kufuma tuhu halukukili mashidika aRussia muUkraine, kwosi wunsahu wunakumwekesha nawu iyi njita yikumana swayi. Chinamwekani hatooka nawu kwosi ituña dikutwesha kwimika mushindu ituña dikwawuku nawa kwosi wunsahu hela wumu wunakumwekesha nawu awa matuña ayedi akutiyashana chiwahi kulonda awani njila yakumanishilamu iyi njita.”

 Antu amavulu mukaayi kejima anakuneña muloña wakukala kunakuleta iyi njita nimajita amakwawu hadi antu anabuli muloña. Kuchiñejanyi Kwashimuna Bayibolu? Komana kukekalahu mpinji yakamana majita?

 Bayibolu yashimuna njita yikamwina antu ejima bayi kuyikisañanaku. Iyi njita ayitenaña nawu Amagedoni, nawa ayilumbulula nawu “njita yefuku deneni daNzambi Wañovu Jejima.” (Chimwekeshu 16:14, 16) Muloña waniyi njita, Nzambi wakafumishahu nfulumendi jawantu jejima jinakuleta majita mwituña. Hakwila mwiluki njita yaAmagedoni chiyakaleta kuwunda kwakweni, tañenu yibaaba yinalondelihu:

•   “Bushe Inkondo ya Armagedone Cinshi?”

•   “Amagedoni hiNsañu Yayiwahi!”