Hampinji yadiñayi heseki, Yesu wamwekesheleleña antu kukeña, chakwila wahanini niwumi windi kukola wena. (Matewu 20:28; Yowanu 15:13) Katataka, wukumwekesha cheñi chayikeñayi antu kuhitila mukuzatisha wuswa niñovu yindi yamwinkawu yakwikala Mwanta waWanta waNzambi “Nakumanisha majita heseki dejima.”—Isamu 46:9.

 Talenu Bayibolu chiyashimuna yuma yayiwahi yakelayi Yesu:

•   “Muloña yena wakapulwisha kazweñi wunakulomba wukwashu, Cheñi nimuntu wakehelamu niwejima wunabuli wakumukwasha. Antu akehelamu niatuzweñi wakayitiyila wushona, Nawa wakaamwina mawumi awatuzweñi. Wakayipulwisha kumakabisha nikumadombu.”—Isamu 72:12-14.

 Tunateli kumwekesha ñahi muchima wakusakilila hayuma yatwililayi Yesu niyakatwililayi kumbidi? Mumazu ekala ha Luka 22:19, Yesu wayilejeli atumbanji twindi kwanukaña kufwa kwindi. Dichaleteshaña chaaka nichaaka, aYinsahu jaYehova kupompa hamu nakwanuka kufwa kwindi. Mwani tunayitambiki mwakenzi twakapompeli hamu nakwanuka Kufwa kwaYesu Hamulungu, haMarch 24, 2024

Wanenu kwakupompela Chanukishu