Ne omi Joneno mag Jehova ochiko satifiket mapuoyogi kuom tich maber kaachiel gi kony maduong’ mane gichiwo. Jonenogo noyudo mich koa kuom Curtin Immigration Detention Centre man machiegni gi Derby, Western Australia. *

Juma ka juma, Joneno limoga jomotuego mondo gigo kodgi mbaka ka gimiyogi thuolo mar lero chandruoge ma giseromogo kae to gipuonjogi wach moa e Muma ma hoyogi kendo miyogi geno. Christopher Riddoch ma en ofisa mochung’ne wach din wacho niya; “nyak janenore mapiyo bang’ ka giselimo jomotuego”.Omedo wacho ni jomotuego bedoga mamor bang’ ka oselimgi gi Joneno nikech jogo nyisogi ni gidewogi gadier kendo gi gombo mondo ngima odhinigi maber

Riddoch wacho ni satifiket ma gichiwono en mana gimoro matin manyiso erokamano ne Jonenogo kuom medo bero ngima mar jogo ma girito.” Nomedo wacho ni Jonenogo miyo joutegi, kanyaklagi kachiel gi din margi nying maber.