Wayudo ni joma nigi dindegi ohero wuoyo e wi Muma. En adier ni wang’eyo ni ng’ato nigi ratiro mar yiero puonj moluwo kendo ok wachun ji gi wach ma walando.

Seche ma wawuoyo kuom wach din, watemo tiyo gi paro ma Muma chiwo ni wanyis ji “muolo” kendo ka wami ji “luor”. (1 Petro 3:15, 16) Wang’eyo ni jomoko biro tamore winjo wach ma wateronegi. (Mathayo 10:14) Kata kamano, ok wanyal ng’eyo kaka ng’ato biro rwako wachno kapok wawuoyo kode. Bende wang’eyo ni chal mar ngima ji jalokre.

Kuom ranyisi, ng’ato nyalo bedo modich ahinya maok onyal wuoyo kodwa, to chieng’ machielo owuoyo kodwa gi ilo. Kendo jomoko nyalo romo gi chandruoge manyien ma nyaka ginyagrego ma mi gidwar winjo puonj mar Muma. Omiyo, watemo wuoyo gi ji nyadinwoya.