BATISO Kombe moyangi ne joma ibiro batisi biro yudore machiegni gi ndiri mak mana kapo ni oland kamachielo. Jogo mibiro batisi onego obed kama oyangnegi kapok ochak gol twak mar batiso chieng’ Ngeso okinyi. Ng’ato ka ng’ato kuomgi onego oting’ taulo kod law mowinjore gi batiso.

CHIWO Nitie pesa mosetigo e timo chenro mondo wayud kombe moromo, gige kowo dwol, kod gik mamoko ma miyo chokruogni dhi maber, kendo mondo omed konyowa sudo machiegni gi Jehova. Chiwo migolo konyo e chulo gigi kaachiel gi siro tij piny mangima. Sanduge mondiki ma nenore maler oket kuonde mopogore opogore e chokruogni mondo obedni mayot golo chiwo. Bende, inyalo golo chiwo e intanet ka itiyo gi websaitwa e donate.pr418.com. Chiwou duto konyo kama duong’ ahinya. Bura Matayo goyonu erokamano ahinya kuom chiwo magu ma konyo e chopo dwaro mag Pinyruoth.

CHIWRUOK Kapo ni diher chiwori e tich moro amora motudore gi chokruogni, ter nyingi e Migawo mar Yudo Weche kod Chiwruok mondo onyisi kama ibiro tiyoe.

GIK MOLAL Gik moko duto ma weggi ok ong’ere onego oter e Migawo mar Gik Molal. Kapo ni gimoro olalni, dhi imanye e migawoni. Nyithindo molal bende onego oter e migawoni. Kata kamano, ok onego one migawoni kaka kar rito nyithindo. Ne ni ibet gi nyithindi kinde duto.

JORWAK WELO Jorwak welo omi migawo mar konyi. Omiyo, tem ahinya luwo gima ginyisi ka luwore gi kuonde michungoe mtokni, kuonde donjo kata wuok moriwo nyaka sama masira moro otimore, mako kombe, kod e weche mamoko.

KOMBE Dew jomamoko. Ket e paro ni inyalo mana mako kombe ne joma ubirogo e mtoka achiel, joma idakgo, kod joma sani ipuonjorigo Muma. Kik iket gik moko e kombe ma ok imako ne ng’ato.

KONYO THIETH Keturu e paro ni migawoni konyo e weche thieth mobiro apoya kende.