En ang’o maberie mogik minyalo timo ne nyathini? Nitie gik mogwaro madwarore ni itimnegi kaka herogi, chikogi, kendo ritogi. Kata kamano, gima ber mogik minyalo timo ne nyathini en puonje e wi Jehova kendo puonje adiera mayudore e Wachne ma en Muma. (Johana 17:3) Ng’eyo mago nyalo konyo nyithindi oher Jehova kendo otine gi chunygi duto, kata kapod gin nyithindo matindo.—Mathayo 21:16.

Jonyuol mang’eny oseyudo ni puonj ma nyithindo matindo winjo maber moloyo en mitimo kuom thuolo machuok. Omiyo, wamor goyonu brosuani miluongo ni Gik ma Apuonjora e Muma. Sula ka sula mar brosuani olos mondo opuonj gimoro e yo mayot. Piche kaachiel gi weche motudore kodgi ogo ahinya ahinya, ne nyithindo ma johigni adek kadok chien. Ochiw bende paro kod gik ma jonyuol gi nyithindo nyalo timo kanyachiel. Gik ma Apuonjora e Muma ok en mana bug neno picha, kata buk ma nyithindo tugogo. Kar mano, olose mondo isome kaachiel gi nyithindi kipuonjogigo, kendo mano biro medou thuolo mar wuoyo.

Wageno ni brosuani biro konyou ahinya e puonjo nyithindu adiera mawuok e Muma ‘a e tin-gi.’—2 Timotheo 3:14, 15, The Bible in Luo, 2003.

Wan oweteu,

Bura Maduong’ mar Joneno mag Jehova