Jehova en Nyasaye ma ochanore. (1 Jo-Korintho 14:33) Omiyo, jotichne bende nyaka bed joma ochanore. Ere kaka ochan kanyakla mar Jokristo? Wanyalo timo ang’o mondo kanyakla odhi maber?

1. Wi kanyakla en ng’a?

‘Kristo e wi kanyakla.’ (Jo-Efeso 5:23) Ka en e polo, otayo tije ma jotich Jehova timo e piny mangima. Yesu noyiero “jatich mogen kendo mariek”, ma en grup moro matin mar jodongo molony ma bende iluongo ni Bura Matayo. (Som Mathayo 24:45-​47.) Mana kaka joote kod jodongo ma ne ni Jerusalem ne timo, Bura Matayo tayo kanyakla duto e piny mangima. (Tich Joote 15:2) Kata kamano, ok gin jotend riwruogwa. Jehova tayogi kokalo kuom Wachne kendo gibolore ne Yesu ma en jatendgi.

2. Jodong-kanyakla nigi migawo mane?

Jodong-kanyakla gin Jokristo motegno ma puonjo ka gitiyo gi Muma, kendo gikwayo rombe mag Jehova ka gikonyogi kendo jiwogi. Ok chulgi nikech tich ma gitiyo. Kar mano, gitimo tijegi “gi chuny mohero e nyim Nyasaye; bende, ok nikech hero ohala mag mibadhi, to gi chuny mamor.” (1 Petro 5:1, 2) Jokony-tich konyoga jodongo e timo tijegi kendo bang’ kinde inyalo yiergi mondo gibed jodong-kanyakla.

Bura Matayo yieroga jodongo moko mondo gibed jorit-alwora. Jorit-alworago limoga kanyakla mopogore opogore mondo gitagi kendo gijiwgi. Bende, gin e ma giyieroga jodongo gi jokony-tich ma ochopo gik ma dwarore e Ndiko.​—1 Timotheo 3:1-​10, 12; Tito 1:5-9.

3. Janeno ka Janeno nigi migawo mane?

Ji duto manie kanyakla ‘pakoga nying Jehova’ sama gin e chokruoge kod sama gidhi e tij lendo kaluwore gi nyalogi.​—Som Zaburi 148:12, 13.

 TIM NONRO

4. Yesu en jatelo mang’won

Yesu kwayowa ni watim gimoro. En ang’o? Som Mathayo 11:28-​30, kae to uwuo e wi penjo ma luwoni:

• Yesu en jatelo ma chalo nade, to odwaro ni wawinj nade sama otayowa?

5. Ranyisi mar jodongo puonjowa

1. Jodong-kanyakla temo matek mondo gin kaachiel gi joodgi gibed gi winjruok motegno gi Jehova

2. Jodong-kanyakla dewo ji duto manie kanyakla

3.   Jodong-kanyakla lendo gi kinda

4. Jodong-kanyakla gin jopuonj. Bende, gikonyo e timo ler kod tije mamoko

6. Wanyalo riwo lwedo jodong-kanyakla

Muma nyisowa gimomiyo dwarore ni wariw lwedo jodongo. Som Jo-Hibrania 13:17, kae to uwuo e wi penjo ma luwogi:

• Be onego waluw gima Muma nyisowa ni wawinj kendo wabolre ne jodongo ma tayowa? Ang’o momiyo iwacho kamano?

Som Luka 16:10, kae to uwuo e wi penjo ma luwoni:

• Ang’o momiyo onego wariw lwedo jodongo kata e gik ma nenore ni tindo?

 PUONJ MADUONG’

Yesu e wi kanyakla. Wamor riwo lwedo jodongo ma tiyo e bwo Yesu nikech giduogo chunywa, kendo gipuonjowa kokalo kuom ranyisi margi maber.

Ang’o ma ipuonjori?

• Wi kanyakla en ng’a?

• Ere kaka jodongo konyo kanyakla?

• Jotich Jehova duto nigi migawo mane?