KARE MAR ARIYO
“Ne Udwanyo Kara Maler”—Ne Ochid Lamo Madier
WACH MADUONG’ MIWUOYE: Joma nodak Juda gi Jerusalem chido lamo madier kendo gidonjo e timbe maricho
Jehova nohero Jo-Israel kendo noritogi kaka “mwandu makende.” (Wuok 19:5, weche moler piny.) Kata kamano, ne ginyiso Jehova achaya kuom lamo nyiseche manono e hekalu mar Jehova! Ne gichwanyo Jehova kendo kelone wich-kuot. Ang’o momiyo timbe Jo-Israel ne richo kamano? Ang’o ma wanyalo puonjore kuom weche ma janabi Ezekiel nokoro e wi kethruok mar Jerusalem? To wanyalo puonjore ang’o e wi gik ma notimore e kind Jo-Israel gi ogendni mamoko ma nolworogi?
MA YUDORE KAE
SULA MAR 5
‘Ne Gik Maricho Kendo Modwanyore ma Gitimo’
Ezekiel neno gik maricho ma nyiso kaka Jo-Israel osejwang’o lamo madier.
SULA MAR 6
“Koro, Giko Osechoponu”
Gik ma ne Ezekiel otimo nyiso mirima mager ma Jehova ne nigo gi Jerusalem.
SULA MAR 7
Ogendni ‘Nong’e ni An e Jehova’
Ogendni ma ne oketho nying Jehova kendo sando joge kata wuondogi mondo giwe lamo madier, ne dhi yudo kum nikech gik ma ne gitimo. Ang’o ma wanyalo puonjore kuom gik ma ne otimore e kind Jo-Israel kod ogendnigo?
