KARE MAR ADEK
‘Anachoku Kanyachiel’—Isingo ni Ibiro Duok Lamo Madier
WACH MADUONG’ MIWUOYE: Weche ma ne Ezekiel okoro nyiso ni ibiro duok lamo madier
Israel opogore. Winjruok maber manie kindgi osekethore nikech gilamo nyiseche manono. Gichandore nikech gik ma ne gitimo; ne gidwanyo lamo madier kendo ketho nying Nyasaye. E kinde matekno, Jehova tayo Ezekiel mondo okor weche moko ma chiwo geno. Jehova jiwo Jo-Israel moter e tuech kod joma gombo neno ka iduoko lamo madier kotiyo gi weche ma mako pach ji kod fweny malich miwuoro.
MA YUDORE KAE
SULA MAR 8
“Abiro Chungonegi Jakwath Achiel”
Nyasaye notiyo gi Ezekiel mondo okor weche moko e wi Mesia, mabiro bedo Ruoth kendo Jakwath mabiro rito rombe Nyasaye kendo duoko lamo madier nyaka chieng’.
SULA MAR 9
“Anamigi Chuny Achiel”
Be weche mokor ma nonyis Jo-Yahudi ma noter e tuech mulowa e kindegi?
SULA MAR 10
“Unubed Mangima”
Ezekiel noneno hoho mopong’ gi choke motwo ma bang’e nobedo mangima. Fwenyno tiende en ang’o?
SULA MAR 14
“Ma e Chik mar Hekalu”
Nyalo bedo ni Jo-Yahudi ma ne nie tuech noyudo puonj mage e wi hekalu ma ne Ezekiel oneno e fweny? Ere kaka fwenyno mulowa e kindegi?
