SANDUK MAR 19B
Pi Matin Mamol Bedo Pi Mang’eny!
Ezekiel neno aora moro matin ma mol kowuok e od Jehova kae to obedo aora matut mana bang’ mail achiel kende! E bath aorano, oneno yiende madongo ma chango ji kendo ma miyo ji chiemo. Wechego tiendgi en ang’o?
Aora ma Kelo Gueth
KINDE MACHON: Ka ne joma nie tuech odok thurgi, ne giyudo gueth mang’eny ka ne gikonyo e duoko lamo madier e hekalu.
KINDEGI: E higa mar 1919 ne oduok lamo madier, to mano nomiyo jotich Nyasaye ochako yudo gueth mang’eny mag chuny
KINDE MABIRO: Bang’ Har–Magedon, Jehova biro miyowa gueth mang’eny mag ringruok kod mag chuny
Pi Ngima
KINDE MACHON: Jehova noguedho joge ma nomakore kode kendo ne gidhi nyime lame e yo mowinjore kata ka kwan-gi ne medore
KINDEGI: Kaka paradisowa mar ranyisi medore, ji medo yudo chiemb chuny ma konyogi ng’eyo kaka ginyalo lamo Jehova e yo moyiego
KINDE MABIRO: Ji milionde ma ibiro chier biro riwore gi joma biro tony e Har–Magedon kendo gueth mag Jehova biro bedo mogundho
Yiende ma Chango Ji Kendo Miyo Ji Bedo gi Chiemo
KINDE MACHON: Jehova nopuonjo joge adiera kendo notimo chenro mondo gilame e yo moyiego; bende, nochangogi e yor chuny ka okonyogi mondo giwe lamo sanamu kata timo gimoro amora motudore gi lamo mar miriambo
KINDEGI: Chiemb chuny mogundho konyo ji mondo gisik ka gimakore gi Nyasaye, kik gidonj e richo madongo, kendo gikwed paro maricho ma ji mathoth nigo e pinyni
KINDE MABIRO: Yesu Kristo gi ji 144,000 ma biro locho kode, biro konyo ji duto ma luwo chike Nyasaye mondo gibed joma kare kendo gidag e ngima maber nyaka chieng’!
