SANDUK MAR 16B
Ywagruok, Chur, Keto Alama, kod Ketho Joma Onge Alama—Kinde ma Gibiro Timoree kod Kaka Gibiro Timore
Fweny ma ne Ezekiel oneno ma yudore e sula mar 9 chopo e kindewagi bende. Ng’eyo kaka wechego biro chopo nyalo konyowa mondo wabed gi chir kaka giko mar pinyni medo kayo machiegni
“Ywagruok kod chur”
KINDE MA OBIRO TIMOREE: E kinde mag giko ka pok masira maduong’ ochakore
KAKA OBIRO TIMORE: Joma chunygi ni kare nyiso kokalo kuom wechegi kod timbegi ni gisin gi gik maricho ma timore e piny. Joma kamago rwako wach maber milando e kindewagi, gidhi nyime nyago kido mag Kristo, ibatisogi kaka ranyisi ma nyiso ni gichiwore ne Jehova, kendo giriwo lwedo owete Kristo gi chunygi duto
“Keto alama”
KINDE MA OBIRO TIMOREE: E kinde masira maduong’
KAKA OBIRO TIMORE: Ng’at ma nigi gir ting’o wino mar jagoro ochung’ ne Yesu ka “obiro e duong’ne” kaka Jang’ad Bura ne ogendni duto manie piny. Joma nie oganda mang’ongo ibiro ketnegi alama ma nyiso ni gin rombe, kendo gibiro tony e lweny mar Har–Magedon
“Ketho joma onge alama”
KINDE MA OBIRO TIMOREE: E lweny mar Har–Magedon
KAKA OBIRO TIMORE: Yesu Kristo biro tayo jolweny manie polo moriwo malaike kaachiel gi joloch wetene 144,000 mondo giketh piny marachni, kendo gires joma lamo Nyasaye gadier ka girwakogi e piny manyien
