Ndiko motudore gi wachno:

• Luk 9:46-48​—Yesu norieyo jootene nikech gie chunygi ma iye, ne gidwaro duong’

Ndiko motudore gi wachno:

• Cha 6:5-7​—Chuny dhano nopong’ gi richo, to mano nomiyo Nyasaye okelo Ataro ma nokwako piny ngima

• 1Ru 11:1-10​—Ruoth Solomon ne ok orito chunye mi okendo mon mang’eny ma bang’e nomiyo oweyo Jehova

• Mar 7:18-23​—Yesu nowacho ni gombo maricho duto wuok e chuny dhano kendo gombogo nyalo miyo gitim gik ma Nyasaye osin-go

Ndiko motudore gi wachno:

• Ef 6:14-18; 1Th 5:8​—Ka ne jaote Paulo lero gige lweny ma Jokristo onego obedgo, nowacho ni tim makare, yie, kod hera nyalo rito chunywa mar ranyisi mana kaka rageng’ mar akor nyalo rito chunywa ma sie

Ndiko motudore gi wachno:

• 2We 25:1, 2, 17-27​—Kuom kinde, Ruoth Amazia ne timo gik makare e wang’ Jehova, kata kamano, ne ok otimgi gi chunye duto; bang’ kinde, nobedo gi chuny matek ma ong’anyo to mano nokelone chandruok

• Mat 7:17-20​—Yesu nowacho ni mana kaka yien maricho nyago olemo maricho, e kaka chuny marach bende miyo ng’ato bedo gi timbe maricho

Ndiko motudore gi wachno:

• 2Ru 20:1-6​—Ruoth Hezekia nomakore gi Jehova kendo notiyone gi chunye duto, omiyo ka ne otuo kendo ochiegni tho, nokwayo Jehova mondo okonye

• Mat 21:28-32​—Yesu notiyo gi ranyisi ma nyiso ni gik ma ng’ato timo nyiso kaka chunye chalo, to ok mana gik ma owacho awacha ni obiro timo

Ndiko motudore gi wachno:

• 1Sa 16:1-13​—Janabi Samuel nopuonjore ni Jehova ok ng’i mana kaka ng’ato nenore gi oko, to onono chuny

• 2We 6:28-31​—Lamo ma Ruoth Solomon nogolo ka ne iwalo hekalu, konyowa ng’eyo ni Nyasaye e ma nyalo nono chuny ng’ato e yo makare