Kend
Ng’ano ma ne ochako ngima mar kend?
Jakristo onego odonj e kend gi ng’a?
Ang’o momiyo Jakristo ok onego oyie mondo wuode kata nyare mosebatisi okendre gi ng’at ma pok ochiwore ne Jehova mi obatise?
-
Ndiko motudore gi wachno:
-
Cha 24:1-4, 7—Ibrahim ma koro noseti, nong’ado mar manyo ne wuode ma Isaka dhako e kind joma ne tiyo ne Jehova, to ok e kind Jo-Kanaan ma ne lamo nyiseche manono
-
Cha 28:1-4—Isaka nonyiso wuode ma Jakobo ni ne ok onego okend nya Jo-Kanaan, to ne onego omany nyako ma lamo Jehova
-
Jehova winjo nade sama jatichne okendore gi ng’at ma ok lame?
-
Ndiko motudore gi wachno:
-
1Ru 11:1-6, 9-11—Jehova nobedo gi mirima ka ne Ruoth Solomon otamore winjo siem ma ne omiye, mi okendo mon ma ne wuok e pinje mamoko, kendo weyo mondo mon-go olok chunye
-
Neh 13:23-27—Mana kaka Jehova, Nehemia bende nobedo gi mirima gi chwo ma Jo-Israel ma ne okendo mon ma ne wuok e pinje mamoko, omiyo ne okumogi kendo rieyogi
-
Ang’o momiyo en gima nyiso rieko donjo e kend gi ng’at momakore gi Jehova kendo ma nigi nying maber?
Ne bende Ef 5:28-31, 33
-
Ndiko motudore gi wachno:
-
1Sa 25:2, 3, 14-17—Nabal ne nigi mwandu, kata kamano, ne en ng’at makwiny kendo ma chando ji, to mano nomiyo obedo dichwo ma ok owinjore gi Abigail
-
Nge 21:9—Ka idonjo e kend gi ng’at ma ok owinjore, mano nyalo mayi mor kod kuwe
-
Rum 7:2—Jaote Paulo nolero ni ka dhako odonjo e kend, obedo e bwo chwore ma en ng’at ma orem; omiyo, dhako ma riek nono malong’o ng’at ma odwaro donjogo e kend
-
Ikruok ne kend
Ang’o momiyo dichwo onego obed moikore rito joot ka pok oparo mar donjo e kend?
-
Ndiko motudore gi wachno:
-
Nge 24:27—Ka pok dichwo okendo kendo nyuolo nyithindo, onego oti matek mondo one ni oikore rito joode
-
Ang’o momiyo ji ariyo ma timo kisera onego omany rieko kuom jomamoko kendo ging’ere maber kar ng’iyo mana kaka ginenore gi oko?
-
Ndiko motudore gi wachno:
-
Rut 2:4-7, 10-12—Boaz nong’eyo Ruth kuom nono kaka notiyo tijene, weche mabeyo ma ji ne wacho kuome, yo ma ne otimonego Naomi gik moko, kod kaka nohero Jehova
-
Rut 2:8, 9, 20—Ruth nong’eyo Boaz kuom nono kaka ne ong’won, kaka ne ojachiwo, kod kaka nohero Jehova
-
Ang’o momiyo Jehova dwaro ni joma chano kendore oritre sama gitimo kisera?
-
Ndiko motudore gi wachno:
-
Nge 5:18, 19—Yore moko mag nyiso hera onego obed mana e kind joma okendore
-
Wer 1:2; 2:6—Wuoyi ma ne en jakwath kod Nya-Shulam ne onyisore hera e yo mowinjore e kinde ma ne gitimo kisera
-
Wer 4:12; 8:8-10—Nya-Shulam noritore mana kaka puodho mochiel maber
-
Ang’o momiyo dichwo gi dhako onego okendore kaluwore gi chik sirkal?
Migawo ma dichwo nigo
Gin ting’ mage ma Jehova omiyo ng’at ma dichwo mosekendo?
Dichwo ma Jakristo onego oluw ranyisi mar ng’a sama otayo joode?
Ang’o momiyo Jehova dwaro ni dichwo oher chiege, ong’e dwaro mage, kod kaka owinjo e chunye?
-
Ndiko motudore gi wachno:
-
Cha 21:8-12—Jehova nonyiso Ibrahim ni owinj chiege ma Sara, kata obedo ni Ibrahim ne ok mor gi paro ma Sara nochiwo
-
Nge 31:10, 11, 16, 28—Dichwo mariek ma nigi dhako malong’o, ok chike e yo marach kata manyo ketho kuome; kar mano, ogene kendo opwoye
-
Ef 5:33—Weche ma jaote Paulo nondiko nyiso ni dhako onego ong’e ni chwore ohere
-
Migawo ma dhako nigo
En migawo mane makende ma Jehova omiyo mon ma Jokristo?
Be migawo ma dhako nigo nyiso ni ochaye?
-
Ndiko motudore gi wachno:
-
Nge 1:8; 1Ko 7:4—Jehova omiyo mon kod mine teko mar tayo utegi e okang’ moro
-
1Ko 11:3—Jaote Paulo nolero ni e chenro mar wich ma Jehova oketo, ng’ato ka ng’ato nigi ng’at motelone mak mana Nyasaye Manyalo duto kende
-
Hib 13:7, 17—E kanyakla, chwo gi mon onego obolre kendo giwinj joma oket mondo otagi
-
Ere kaka dhako ma Jakristo ma chwore ok nie yie nyalo moro Jehova?
Ang’o momiyo dhako ma Jakristo onego omi chwore luor?
-
Ndiko motudore gi wachno:
-
Cha 18:12; 1Pe 3:5, 6—Sara nomiyo chwore luor matut kendo ne onene kaka ‘ruodhe,’ kata ng’at ma ne taye e weche Nyasaye
-
Muma pwoyo dhako machal nade?
-
Ndiko motudore gi wachno:
-
Cha 24:62-67—Rebeka nokonyo chwore ma Isaka mi oyudo hoch, bang’ ka min Isaka nosetho
-
1Sa 25:14-24, 32-38—Abigail noreso chwore ma ne en ng’at mofuwo, kaachiel gi joode, ka ne okwayo Daudi mondo ong’wonnegi
-
Est 4:6-17; 5:1-8; 7:1-6; 8:3-6—Esta ma ne en chi ruoth noketo ngimane kama rach nyadiriyo, ka ne odhi kwayo ruoth mondo orit jotich Nyasaye kata obedo ni ruoth ne pok oluonge
-
Loso weche sama nitie chwanyruok
Gin puonj mage ma nyalo konyo joma okendore mondo gilos weche sama gichwanyore?
Gin puonj mage ma nyalo konyo joma okendore mondo ging’ad paro makare e wi pesa?
Luk 12:15; Fil 4:5; 1Ti 6:9, 10; Hib 13:5
Ne bende “Pesa”
Gin puonj mage ma nyalo konyo joma okendore mondo gilos weche sama nitie chwanyruok e kindgi gi wedegi?
Gin puonj mage ma nyalo konyo joma okendore e weche mag nindruok?
Ang’o momiyo dwarore ni iket pachi e wi kido mabeyo ma jaodi nigo kar keto pachi kuom nyawone?
Ang’o momiyo dwarore ni ulos weche mapiyo sama uchwanyoru kar mako sadha kata bedo gi mirima?
Ang’o momiyo Jokristo ok onego obed joma nigi mirima mager, mohero koko, ayany, kata dhawo?
En ang’o ma dichwo gi dhako onego otim sama gichwanyore?
Joma oketo Jehova obed mokwongo e kend margi yudo gueth mage?
Chike ma tayo kend
Muma wacho ang’o e wi nindruok kod kend?
Be Jakristo onego obed gi chwo kata mon mang’eny?
Wang’eyo nade ni kend onego obed mana e kind dichwo achiel gi dhako achiel?
Ang’o momiyo joma okendore onego osik ka odak kanyachiel?
Kaluwore gi Muma, en ang’o kende ma nyalo miyo Jakristo oketh kend mare chuth?
Jehova neno nade ka Jakristo oketho kend mare e yo ma Muma ok oyiego?
Be ng’at ma jaode otho ni thuolo mar kendore gi ng’at machielo?
Samoro Inyalo Hero Magi Bende
NENURU!
Joot Modak gi Kuwe—Tiyo Kanyachiel
Dibed ni inenoga jaodi mana kaka ng’at ma idakgo e ot achiel, to ok kaka ng’at ma ikendorigo?
OHINGA MAR JARITO
Un Chwo—Heruru Mondeu
Joot nyalo bedo gi pesa mang’eny to pod gibedo ma onge gi kuwe e ot.
WECHE E WIWA
Kwa Mondo Opuonji Muma Nono ma Onge Chudo
Yud puonjruok Muma ma onge chudo e sa mowinjore kodi kendo e kama ihero.
