Ndiko motudore gi wachno:

• 1Sa 15:17-23​—Janabi Samuel nomiyo Ruoth Saulo siem mager nikech nodagi winjo Jehova; kae to bang’e, Samuel nowuoyo e wi ber mar winjo wach

• Hib 5:7-10​—Kata obedo ni Yesu en Wuod Nyasaye makare chuth, pod nopuonjore bedo ng’at ma winjo wach ka ne itimone gik maricho e pinyka

Ndiko motudore gi wachno:

• Dan 3:13-18​—Jo-Hibrania adek ma ne omakore gi Jehova notamore kulore ne sanamu ma ne Ruoth Nebukadnezar oloso kata obedo ni ne inyalo neggi

• Mat 22:15-22​—Yesu nowacho ni jolupne onego owinj sirkande mag dhano, mak mana ka ginyisogi ni giketh chike mag Jehova

• Tic 4:18-31​—Joote ne odhi nyime lendo gi chir kata obedo ni jotelo ne okwerogi ni kik gilend

 Ndiko motudore gi wachno:

• Ezr 7:7-10​—Jadolo Ezra noiko chunye mondo owinj chike Nyasaye kendo opuonj jomamoko

• Joh 14:31​—Yesu nolero gimomiyo ne otimo mana gik ma Wuon-gi nochike ni otim

Ndiko motudore gi wachno:

• Cha 6:9-22; Hib 11:7​—Noa nonyiso ni en gi yie ka ne ogero yie mana kaka Jehova nochike

• Hib 11:8, 9, 17​—Ibrahim nonyiso ni ne en gi yie ka ne oyie wuok Ur kendo chiwo wuode kaka misango, mana kaka Jehova nochike

Ndiko motudore gi wachno:

• Law 26:3-6​—Jehova singo ni obiro guedho kendo rito joma winje

• Kwa 13:30, 31; 14:22-24​—Kaleb nowinjo wach kendo Jehova noguedhe nikech mano

Ndiko motudore gi wachno:

• Cha 2:16, 17; 3:17-19​—Adam gi Hawa ne ok owinjo Jehova, to mano nomiyo gilalo thuolo mar dak e Paradiso nyaka chieng’ kod ngimagi makare chuth

• Rap 18:18, 19; Tic 3:12, 18, 22, 23​—Jehova ne okoro ni Janabi maduong’ moloyo Musa ne dhi biro, to joma ne ok dhi winje ne idhi kum

• Juda 6, 7​—Malaike ma ne ong’anyo kod joma ne odak Sodom gi Gomora, ne omiyo Jehova obedo gi mirima mager nikech ne gidagi luwo kaka ichikogi

Ndiko motudore gi wachno:

• Joh 12:46-48; 14:24​—Yesu nolero ni ng’at ma ok winje biro yudo kum mager

Ndiko motudore gi wachno:

• Cha 37:3, 4, 8, 11-13, 18​—Ka ne Josef pod en rawera, ne owinjo wuon-gi ka ne owuok modhi ir owetene kata obedo ni ne gisin kode

• Luk 2:51​—Yesu nodhi nyime winjo Josef gi Maria kata obedo ni ne en ng’at makare to jonyuolne ne gin joma orem