Kidwaro bedo osiep Nyasaye, nyaka ilu din ma Nyasaye oyiego. Yesu nowacho ni ‘jo lemo maradier’ nolam Nyasaye kaluwore gi “adiera.” (Johana 4:23, 24) Nitie yo achiel kende mar lamo Nyasaye. (Jo Efeso 4:4-6) Din maradier tero ji e ngima ma nyakachieng’, to din mar miriambo tero ji e kethruok.​—Mathayo 7:13, 14.

Inyalo ng’eyo din mar adier ka ing’iyo joge. Nikech Jehova ber, jomalame gi adiera nyaka bed jomabeyo. Kaka yadh machunga maber nywolo machunga mabeyo, e kaka din maradier nywolo jomabeyo.​—Mathayo 7:15-20.

Osiepe Jehova miyo Muma luor ahinya. Ging’eyo ni Muma oa kuom Nyasaye. Giweyo weche Muma otel nigi, okonygi rieyo weche gi, kendo okonygi puonjruok weche Nyasaye. (2 Timotheo 3:16) Gi temo timo gik ma gi yalo.

 Osiepe Jehova oherore ng’ato gi ng’ato. Yesu nonyiso ni ohero ji nikech nopuonjogi weche Nyasaye kendo nochango jo ma tuo. Jogo maluwo din maradier bende nyiso hera ni ji moko. Kaka Yesu, ok gi chayo jo modhier, kata jogo moa e oganda moro. Yesu nowacho ni ji nong’e jopuonjrene gi hera ma gi nyisore ng’ato gi ng’ato.​—Johana 13:35.

Osiepe Nyasaye miyo nying’ Nyasaye, Jehova, luor. Ka ng’ato tamore luongi gi nyingi, bende dobedi osiepni machiegni? Ooyo! Ka wan gi osiep waluonge gi nyinge, kendo wanyiso jomoko gik mabeyo kuome. Omiyo, jo ma dwaro bedo osiepe Nyasaye luonge gi nyinge kendo nyiso jomoko wechene. Jehova dwaro ni watim kamano.​—Mathayo 6:9; Jo Rumi 10:13, 14.

Kaka Yesu, osiepe Nyasaye puonjo ji weche Pinyruodh Nyasaye. Pinyruodh Nyasaye en loch mar polo ma biro loko piny obed Paradis. Osiepe Nyasaye nyiso ji wach maber mar Pinyruodh Nyasaye.​—Mathayo 24:14.

Joneno mag Jehova temo bedo osiepe Nyasaye. Gimiyo Muma luor kendo gin gi hera ekindgi giwegi. Bende gitiyo gi nying’ Nyasaye kendo gimiyo nyingno duong’ kendo gipuonjo ji weche Pinyruodh Nyasaye. Joneno mag Jehova ema luwo din maradier e piny e kindegi.