Mondo irit osiepni, onego ilos kode. Ichikone iti kendo ochikoni ite. Kendo iwacho ni jomoko gik mabeyo kuom osiepni. Bedo osiep Nyasaye bende chal kamano. Ne gima Muma wacho:

Los gi Jehova pile e lamo. “Ketreuru kuom lamo.”​—Jo Rumi 12:12.

Som Wach Nyasaye, Muma. “Ndiko duto mowuok kuom much Nyasaye, konyo kuom puonjo ji, kuom kwero gik maricho, kuom rieyo ji, kendo kuom tiego ji mondo gibed jo makare.”​—2 Timotheo 3:16.

Puonj jomoko weche Nyasaye. “E momiyo dhiuru utim ogendini duto jopuonjrena, . . . kupuonjogi rito weche duto ma nachikou.”​—Mathayo 28:19, 20.

 Sud machiegni gi osiepe Nyasaye. “Ng’a mawuotho kod jo mariek nobedi mariek.”​—Ngeche 13:20.

Dhi e chokruok e Od Pinyruoth. “Ng’ato ka ng’ato opar owadgi mondo wami hera gi timbe mabeyo omedre, . . . to wajiwreuru ng’ato gi ng’ato.”​—Jo Hibrania 10:24, 25.

Chiw kony ne tij Pinyruoth. “Ng’ato ka ng’ato mondo ochiw kaka oseparo e chunye; ok mar ng’ura, kata mar achuna: nikech Nyasaye ohero jachiwo mamor.”​—2 Jo Korintho 9:7.