Ne Joma Obiro e Chokruok
ROMO MAKENDE
NE JOMA DIHER DHI E SKUL MAR JOLAND-INJILI MAR PINYRUOTH Jopainia ma hikgi nie kind 23 gi 65 ma diher tiyo ne Nyasaye kuom thuolo momedore igwelo e romo ma ibiro tim gi joma diher dhi e Skul mar Joland-Injili mar Pinyruoth chieng’ Jumapil. Ibiro land sa kod kama ibiro timee.
NE JOMA DIHER TIYO E BETHEL Jolendo mosebatisi ma hikgi pok okalo 35 kendo ma gin jokanyo mar piny ma itimoe chokruogni, ma diher tiyo e Bethel onego otim chenro mondo gibed e romo mibiro tim chieng’ Tich Abich odiechieng’ gi joma diher oro kwayo mar Bethel. Ibiro land sa kod kama ibiro timee.
NE JOMA OBIRO E CHOKRUOK
BATISO Jogo mibiro batisi onego obed kama oyangnegi ka pok ochak gol twak mar batiso chieng’ Ngeso gokinyi. Ng’ato ka ng’ato kuomgi onego oting’ taulo kod law mowinjore gi batiso. Kombe moyangi ne joma ibiro batisi biro yudore machiegni gi ndiri.
CHIWO Nitie pesa mosetigo e timo chenro mondo wayud kombe moromo, gige kowo dwol, kod gik mamoko ma miyo chokruogni dhi maber, kendo mondo omed konyowa sudo machiegni gi Jehova. Chiwo migolo konyo e chulo gigi kaachiel gi siro tij piny mangima. Sanduge mondiki ma nenore malong’o oketi kuonde mopogore opogore e chokruogni mondo obedni mayot golo chiwo. Chiwou duto konyo kama duong’ ahinya. Bura Matayo goyonu erokamano ahinya kuom chiwo magu ma konyo e chopo dwaro mag Pinyruoth.
CHIWRUOK Kapo ni diher chiwori e tich moro amora motudore gi chokruogni, ter nyingi e Migawo mar Yudo Weche kod Chiwruok mondo onyisi kama ibiro tiyoe.
GIK MOLAL Gik moko duto ma weggi ok ong’ere onego oter e Migawo mar Gik Molal. Kapo ni gimoro olalni, dhi imanye e migawoni. Nyithindo molal to oyudi bende onego oter e migawoni. Kata kamano, ok onego one migawoni kaka kar rito nyithindo. Ne ni ibet gi nyithindi kinde duto.
JORWAK WELO Jorwak welo omi migawo mar konyi. Omiyo, tem ahinya luwo gima ginyisi ka luwore gi kuonde michungoe mtokni, kuonde donjo kata wuok moriwo nyaka sama masira moro otimore, mako kombe, kod e weche mamoko.
KOMBE Dew jomamoko. Ket e paro ni inyalo mana mako kombe ne joma ubirogo e mtoka achiel, joma idakgo, kod joma ipuonjorigo Muma. Kik iket gik moko e kombe ma ok imako ne ng’ato.
KONYO THIETH Keturu e paro ni migawoni konyo e weche thieth MOBIRO APOYA KENDE.
Ochane gi Bura Matayo Joneno mag Jehova
