Roho Manochwe Tara gi Tara
Muma wachonwa ni nitie ji ma gin roho mang’eny. Jehova owuon en roho.—Johana 4:24; 2 Jo Korintho 3:17, 18.
Ndalo moko Jehova ema ne nitie kende e piny mangima. Bang’e nochako chueyo ji ma gin roho miluongo ni malaika. Gin gi teko ahinya kendo giriek ahinya moloyo dhano. Jehova nochueyo malaika mang’eny; Daniel jatich Nyasaye, noneno e lek malaika tara piero apar achiel.—Daniel 7:10; Jo Hibrania 1:7.
Malaika gi nochwe gi Nyasaye kata kane pok ochueyo piny. (Ayub 38:4-7) Onge kata achiel kuomgi ma gin ji mane osedak kendo notho e piny.
Jehova, Roho mang’ongo, nochueyo ji ma gin roho tara gi tara