Ng’e gima idwaro chopo. Ber ka ing’eyo ka be twagi onego opuonj jowinjo gimoro manyien, konyogi bedo gadier e wi wach moro, kata jiwogi mondo gikaw okang’. Ng’eyo mano biro konyi golo twak maber. Tem ahinya mondo puonj madongo duto ochop gima idwaro.

Jiw wach maduong’ ma twak wuoye. Jiw wi twak e twagi duto kuom nwoyo weche moko madongo kata tiyo gi weche mopogore opogore e lero wach maduong’.

Ket weche madongo onere ayanga kendo ma winjo yot. Yier mana weche madongo motudore gi wi twak minyalo puonjo maber ka luwore kod thuolo momiyi. Weche madongo kik bed mathoth; ler moro ka moro e yo malong’o, ling’ matin sama iwuok e wach moro maduong’ ka idhi e machielo.