Tim ikruok maber kendo ilem. Lem mondo Jehova okonyi keto pachi e wach mibiro wacho to ok luoro minyalo bedogo. Ng’e weche madongo monego iwuoye. Wuo kitiyo gi wecheni iwuon kar somo kata wacho weche kaka ondikgi.

Wuo gi chunyi duto. Par gimomiyo jowinjo onego ong’e weche midwaro wachogo. Ket pachi kuom jowinjo. Yo michung’go, kod kaka itiyo gi ranyisi mag del biro nyiso okang’ midewogigo.

Ng’i jowinjo. Sama igolo twak, ng’i ng’at achiel kae to idhi e ng’at machielo kar bayo abaya wang’i kuom ji duto.