Ng’e gimomiyo isomo ndiko. Ka pok isomo ndiko moro, kony jowinjo mondo ging’e puonj maduong’ ma idwaro jiwo e ndikono.

Ti gi Muma e siro weche miwacho. Sama iwuoyo gi joma oyie kuom Nyasaye, ti gi Muma nikech en “Wach Nyasaye.” Kitimo mano, inyiso maler ni en e buk moting’o rieko moa kuom Nyasaye.

Mi jowinjo siso ka pok isomo ndiko. Inyalo penjo penjo ma ndiko midwaro somo biro dwoko, inyalo wacho chandruok moro ma ndiko midwaro somo nyiso kaka inyalo tieke, kata inyalo wacho puonj moro ma ndiko midwaro somono lero.