Ng’e weche moting’o puonj madongo. Bang’ somo ndiko, wach weche moko ma yudore e ndikono ma jiwo puonj maduong’ miwuoye. Inyalo timo mano kuom nwoyo wechego, kata penjo jowinjo penjo mabiro konyogi fwenyo wechego e ndiko.

Jiw wach miwuoye. Ka nisewacho ne jowinjo gimomiyo isomo ndiko moro, nyisgi maler kaka weche mojiw e ndikono otudore gi gimomiyo isome.

Nyis e yo mayot kaka ndiko tiyo. Kik iwach weche mang’eny ma ok ochuno. King’eyo gima jowinjo ong’eyo e wi wach miwuoye, mano biro konyi fwenyo weche monego ijiw mondo puonj owinjre maler kendo ging’e kaka ginyalo tiyo gi puonjno.