NYASAYE MA WUON TEKO DUTO e jatelo mar piny mangima. Ngimawa sani, to gi ma ekinde mabiro, osirore kuome. En kod teko mar chiwo kendo teko mar kumo. En kod teko mar chiwo ni ji ngima, kendo teko mar ngima. Ka oyie kodwa to wanyalo timo maber ahinya. Ma ema omiyo en gima ber mondo Nyasaye oyie kod lamo marwa.

Ji lemo e yore mang’eny. Kapo ni Din chalo kaka yoo, bende Nyasaye oyie kod yore duto mag Dinde? Ooyo ok gin kamano. Janabi mar Nyasaye ma en Yesu, nene onyiso ni nitiere yore ariyo kende. Nene owacho niya, “Kendo yorno lach ma dhi e kethruok, kendo ging’eny ma donjoe, to rangano tin, kendo yorno diny ma dhi e ngima, kendo ginok ma nwang’e.”​—Mathayo 7:13, 14.

Nitiere kit dinde ariyo kende. Achiel en matero ji e ngima to machielo teroji e kethruok. Gima omiyo ogo kitabuni en ni mondo okonyi kaka inyalo yudo yoo materi e ngima mochwere.