Puonj mar ni “Gik Moko Duto Nosieko Kendgi”

Moko kuom weche milerogago puonjno gin magi: “Lokruok ma gimoro lokorego e yo moro.” Kata kamano, inyalo ti gi wechego e yore mopogore opogore. Kuom ranyisi, inyalo ti kodgi sama iwuoyo kuom lokruoge madongo ma timore ne gik ma onge ngima, kaka ma timore e kor lwasi. E wi mano, wechego inyalo tigo sama iwuoyo kuom lokruoge matindo ma timorega ne gik ma ngima, kaka lokruoge ma timore sama gik ma twi e lowo kod le dongo e alwora ma gintie. To ahinya ahinya, wechego itiyogago sama iwuoyo kuom puonj ni ngima nochakore kuom kemikols ma noloso ng’injo matindo (cells), kendo ni ng’injo ma tindogo ne nyalo loso ng’injo mamoko ma chalre kodgi. Mosmos ng’injogo nochako lokore chuech mopogore opogore. Kuom chuechgo duto, wachore ni dhano e ma ne en chuech makende kendo mariek moloyo chuech mamoko duto. Yo mogik milerogo puonjno, e motigo e sulani.