NENURU! Na. 2 2018 | Weche 12 Manyalo Konyo Joot Odag gi Kuwe
Weche 12 Manyalo Konyo Joot Odag gi Kuwe
Wasewinjo weche mopogore opogore ma miyo udi mang’eny onge kuwe. Kare ang’o momiyo udi moko to nigi kuwe?
E kind higa 1990 kod 2015, kend ma nokethore chuth e piny Amerka nomedore nyadiriyo kuom johigni 50 gi wiye, to nomedore nyadidek kuom johigni 65 gi wiye.
Tinde jonyuol okia kata ni gitim ang’o. Jomoko ma wacho ni gin gi lony e weche mag dak wacho ni nyithindo onego opwo kinde duto. To moko bende wacho ni nyithindo nyaka rie e yo makwiny mondo e ka gidong ka gin nyithindo mabeyo.
Tinde ji kendore ka pod gitindo kendo ka gionge rieko kod ng’eyo ma nyalo konyogi dak gi kuwe.
Kata kamano, adiera en ni . . .
Joma okendore nyalo dak gi kuwe nyaka chieng’.
Jonyuol nyalo puonjore kaka ginyalo rieyo nyithindgi e yor hera.
Joma tindo nyalo puonjore gik ma nyalo konyogi e ngimagi ka gibedo joma dongo.
E yo mane? Gasedni biro wuoyo kuom weche moko 12 ma nyalo miyo joot odag gi kuwe.
1: Chiwruok
Ne gik moko adek ma nyalo konyo joma okendore osik e kend margi.
2: Tiyo Kanyachiel
Dibed ni inenoga jaodi mana kaka ng’at ma idakgo e ot achiel, to ok kaka ng’at ma ikendorigo?
3: Chiwo Luor
Ng’e weche ma ka iwacho kod gik ma ka itimo to biro miyo nyawadu owinj ni imiye luor.
4: Ng’wono ne Nyawadu
Ang’o ma nyalo konyi keto pachi kuom gik mabeyo ma jaodi timo?
5: Wuoyo
Nee okenge moko adek madongo ma nyalo konyi bedo machiegni gi nyithindi.
6: Rieyo Nyithindo
Be rieyo nyathi biro miyo ochare?
7: Timbe Mabeyo
Gin puonj mage ma onego ipuonj nyithindi?
8: Ranyisi Maber
Ka idwaro ni weche ma iwacho ne nyithindi ochopo e chunygi, to tim ka luwore gi kaka iwachonegi.
9: Ng’eruok Maber
Ere kaka rowere nyalo chung’ motegno e siro puonj ma giyiego?
10: Bedo Ng’at Minyalo Gen
Ka in ng’at ma jonyuolne ogeno, mano nyiso ni isechako bedo ng’at maduong’.
11: Bedo Jakinda
Ka ipuonjori tiyo matek ka pod in rawera, mano biro konyi e ngimani duto.
12: Bedo gi Gik Midwaro Chopo
Sama ichopo gima nichano timo, mano konyi bedo gi chir, tego osiep ma in-go e kindi gi jomamoko, kendo miyo ibedo mamor.
Weche Momedore ma Nyalo Konyo Joot
Puonj manie Muma nyalo miyo kend maru odhi maber kendo udag gi kuwe e odu.
