Be isesomo adimba gocho mosekalo mag Ohinga mar Jarito? Ka en kamano, ne ane kabe inyalo dwoko penjo ma luwogi:

Ang’o momiyo Jehova noyie mondo Jo-Israel odhi e lweny?

Jehova en Nyasaye ma jahera. Kata kamano, sama jowasigu ne timo marach ne Jo-Israel kata sandogi, Nyasaye ne yienegi mondo giked e lweny. Nyasaye owuon e ma ne yiero joma ne dhi e lweny, kod kinde ma ne gidhiye.​—w15 11/1, ite mar 4-5.

Gin ang’o ma jonyuol oneg otim sama gitiego nyithindgi ma rowere mondo oti ne Jehova?

Dwarore ni jonyuol oher nyithindgi ma rowere, kendo ginyis ni gibolore kokalo kuom timbegi. E wi mano, ka gitiyo gi rieko kendo temo ng’eyo nyithindgi ma rowere e yo maber, mano biro miyo gitieggi malong’o.​—w15 11/15, ite mar 9-11.

Ang’o momiyo ok onego wapar ni pop ma sani ema okawo kar Petro?

Mathayo 16:17, 18 ok wach ni jaote Petro e ma ne dhi bedo wi kanyakla mar Jokristo. Muma wacho ni Yesu e ma ne dhi bedo kidi maduong’ ma ne ogerie kanyakla mar Jokristo, to ok Petro. (1 Pet. 2:4-8)​—w15 12/1, ite mar 12-14.

Gin ang’o gini monego wapar ka pok wawuoyo?

Mondo wati maber gi lewwa, nyaka wang’e (1) sa ma onego wawuoye (Ekl. 3:7), (2) gima onego wawachi (Nge. 12:18), kod (3) yo ma onego wawuogo (Nge. 25:15).​—w15 12/15, ite mar 19-22.

Gin yore mage ma ok nyis bedo joratiro ma Jokristo onego otang’go?

Jokristo madier ok onego oriambi kata kuodho jowetegi. Ok giwach weche ma nyalo chwanyo jowetegi. Bende, ok gikwel kendo ok giwuond jowetegi.​—wp16.1, ite mar 5.

“Jodong-jodolo” ma iwuoyo kuomgi e Muma ne gin ng’a gini?

Nenore ni wach motigo ni “jodong-jodolo” wuoyo kuom joma nochung’ ne tij dolo, moriwo nyaka jodolo madongo ma noseweyo tijno.​—wp16.1, ite mar 10.

Onego wabed gi paro mane sama Jakristo moro e kanyakla ochako chamo makate kendo madho divai e Rapar?

Ok owinjore ng’awo ng’ato e wi jowadgi mana nikech en Jakristo mowal. Jakristo mowal gadier bende ok onego odwar ni jowetene ong’awe e wi jomamoko kendo ok oland ne jomamoko ni owale. (Mat. 23:8-12)​—w16.01, ite mar 23-24.

Ang’o ma wanyalo puonjore e wi osiep ma Ibrahim ne nigo gi Nyasaye?

Ibrahim nopuonjore e wi Nyasaye, samoro, kokalo kuom Shem. Gik ma noneno ka Nyasaye timone kaachiel gi joode bende nokonye bedo gi yie motegno. Wan bende wanyalo timo kamano.​—w16.02, ite mar 9-10.

Jomage ma nopogo sula kod kwan matindo e muma?

Bisop miluongo ni Stephen Langton e ma nopogo Muma e sula mopogore opogore e chak higni mag 1200. Jondiko moko mag Jo-Yahudi e ma nokwongo pogo buge manie Ndiko mag Dho-Hibrania kata Muma Machon e kwan matindo, kae to, e higni mag 1500, jasomo moro miluongo ni Robert Estienne notimo kamano bende gi Ndiko mag Dho-Grik.​—wp16.2, ite mar 14-15.

Be Satan nokawo Yesu achiel kachiel ma okete e wi hekalu sama ne oteme?

Ok wanyal wacho gadier. Mathayo 4:5 kod Luka 4:9 nyalo nyiso ni Jachien notero Yesu kuno e yor fweny kata samoro Yesu nochung’ kama oting’ore e wi hekalu.—w16.03, ite mar 31-32.

Tijwa mar lendo inyalo pim gi tho e yo mane?

Tho losorega mos mos, oduogo chuny, kendo osiro ngima. Tho en gueth ma wuok kuom Jehova. (Rap. 33:13) Paro ranyisi mar tho konyowa ng’eyo ni kinda ma waduto watimo e tij lendo duong’ ahinya.​—w16.04, ite mar 4.