Ang’o ma Muma Wacho?
Ang’o ma Muma wacho e wi Jachien?
INYALO DWOKO ni Jachien en . . .
Chuech ma dhano ok nyal neno?
Richo manie chuny ng’ato?
Gima dhano e ma paro apara?
GIMA MUMA WACHO
Jachien ne owuoyo gi Yesu ‘ka noteme.’ (Mathayo 4:1-4) Kuom mano, Jachien ok en gima iparo apara, kata kido moro mar richo. En chuech marach mar roho.
WECHE MAMOKO MA MUMA PUONJOWA GIN MAGE?
Chon Jachien ne en malaika maler, kata kamano “ne ok ochung’ motegno e adiera.” (Johana 8:44) Nodoko jamiriambo kendo nong’anjo ne Nyasaye.
Malaike mamoko nong’anjo kode.—Fweny 12:9.
Jachien osedino pach ji mathoth mondo kik ging’eye.—2 Jo-Korintho 4:4.
Be Jachien nyalo chiko gik ma dhano timo?
JOMOKO WACHO NI mano en miriambo, Jachien ok nyal chiko dhano, jomoko to oluoro jochiende ahinya. In to iparo nade?
GIMA MUMA WACHO
“Piny duto ni e bwo teko mar Ng’at Marach.” (1 Johana 5:19) Jachien nigi teko mar chiko dhano, kata kamano ok ochik ngima dhano duto.
WECHE MAMOKO MA MUMA PUONJOWA GIN MAGE?
Jachien tiyo gi miriambo mondo omak ji mang’eny.—2 Jo-Korintho 11:14.
Nitie kinde ma jochiende bende nyalo chiko ngima dhano.—Mathayo 12:22.
Nyasaye nyalo konyi mondo ‘ikwed Jachien.’ —Jakobo 4:7.
Samoro Inyalo Hero Magi Bende
DWOKO PENJO MA JI NIGO E WI MUMA
Be Jachien Nitie Adier?
Be Jachien en gimoro manie i dhano ma miyo otimo gik maricho koso en ng’at ma nitie adier?
DWOKO PENJO MA JI NIGO E WI MUMA
Be Nyasaye Nochueyo Jachien?
Satan noa kanye? Puonjri gimomiyo Yesu nowacho ni Jachien “ne ok ochung’ motegno e adiera.”
