Chieng’ moro, nyaminwa moro ma wuok New Zealand noneno vidio ma wuoyo e wi yore ma Jehova nyisogago ni okecho ji gadier ma wiye wacho ni, “Wadewreuru.” (Isa. 63:7-9) Nong’ado ni en bende nodhi tiyo gi puonj ma noyudo e vidiono mondo onyis ni okecho jomamoko. Bang’e e odiechiengno, ka nodhi e chiro, noromo gi dhako moro ma ne onge kar dak, kendo nonyise ni doher ng’iewone chiemo. Dhakono noyie gi wachno. Ka ne nyaminwano odok ire gi chiemo, nolendone e yo machuok kotiyo gi trakt mar Be Chandruok Chieng’ Norum?

Dhakono nochako ywak. Nowacho ni nopon e adiera, kata kamano, noweyo adiera higni mang’eny mosekalo. To machiegnini, nosebedo kokwayo Jehova e lamo mondo okonye oduog ire. Nyaminwano nomiye Muma kae to ochano kode kaka nonyalo puonjore kode Muma. a

Wanyalo luwo ranyisi mar Jehova mar kecho jomamoko, moriwo nyaka wedewa kod owetewa gi nyiminewa ma wan-go e kanyakla. Bende, wanyalo nyiso ni wakecho jomamoko kuom manyo thuolo mag lendonegi.