Sama wasomo Muma, wanyalo yudo puonj manie iye kuom timo nonro. Ere kaka wanyalo yudo ber mathoth sama watimo nonro?

Non matut weche miwuoyoe e Muma. Kuom ranyisi, non ng’ama nondiko wechego, joma nondiknegi wechego, kod kinde ma nondikgie. Jogo ne nie chal mane? Ang’o ma notimore ka pok nondik wechego? To ang’o ma notimore bang’e?

Tem fwenyo puonj kuom nono penjo kaka ma luwogi: ‘Ere kaka joma iwuoyo kuomgi ne winjo e chunygi? Gin kido mage ma ne ginyiso? Kuom kidogo, gin mage monego aluw, to mage ma ok onego aluw?’

Ti gi puonj miyudo e tij lendo kata sama in gi ji e dijeni mamoko. Sama itimo kamano, inyiso ni in gi rieko, mana kaka Muma wacho niya: “Ng’at mariek biro paro wechegi.”—Zab. 107:43.

• Paro ma nyalo konyi: Ne ane kaka weche manie Mwandu ma Yudore e Wach Nyasaye mitimoga e chokruok ma kor juma konyowa tiyo gi puonj mopogore opogore. Kareno niga gi penjo moko ma wanyalo penjore, weche ma wanyalo paro kuomgi matut, kod ranyisi ma wanyalo nono.