Mopogore gi lamo Jehova e chokruogewa mag kanyakla, chokruogewa mag alwora, kod chokruogewa madongo, walamega bende ka wan kendwa kod kaka joot. Ne ane moko kuom gik minyalo timo e puonjruokni iwuon kod e lamo mar joot:

• Ik chokruoge mag kanyakla. Inyalo puonjori wende midhi tigo e chokruok, kendo inyalo konyo joodu iko paro ma gibiro chiwo.

• Som sigana moro e Muma. Bang’ mano, tem goro picha moro e wi siganano kata indik gima ipuonjori.

• Non lamo moro ma yudore e Muma, kae to ipar kaka onyalo konyi bero lamo magi.

• Ne vidio moro ma yudore e jw.org, kae to iwuoye gi jomamoko kata indik puonj miyudo.

• Ikri ne tij lendo. Unyalo kata tiegoru kaka joot e wi gima udhi wacho.

• Rang chuech moro kendo ipar matut kuome, kata unyalo nono gima opuonjou e wi Jehova. a